- Sherzod, 2021 yilgi mavsumdan boshlab faoliyatingizni Qirg'iziston chempionatida davom ettirayapsiz. Bu yilgi mavsumda sizni “Alay" jamoasi ko'rdik. Aytingchi, jamoadagi sharoitlar qanday?

- Avvalo etibor uchun rahmat. "Alay" klubida barcha sharoitlar bor. Jamoa bosh murabbiyi Mirlan Eshenov bizga har doim g'amxo'rlik bilan munosabatda bo'ladi. 2020 yilgi "Neftchi" - "Turon" o'yinidagi voqeliklardan so'ng Qirg'iziston chempionatiga ko'chib o'tdim. Dastlab "Kaganat" klubida, endilikda esa "Alay"da o'ynab kelmoqdaman. Bilasizmi, legionerga aylanganimdan so'ng futbolchining maydondagi har bir daqiqasi qadriga etishni, shuningdek, har qanday sharoitda ham futbol o'ynashni o'rgandim. Hozirgi klubimda futbol uchun hamma sharoitlar bor va bu meni to'laligicha qoniqtiroqda.

- "Alay"da sizdan tashqari ham o'zbekistonlik legioner futbolchilar bormi?

- Ha, Muhammad Ali Tursunov, Murodjon To'ychiboevlar men bilan jamoadosh hisoblanishadi.

- O'zi umuman Qirg'iziston chempionatida qaysi davlatdan legioner futbolchilar ko'proq?

- Gana davlatidan bor, Nigeriya, Rossiya va Ukrainadan, shuningdek ko'prog'i O'zbekistondan legioner futbolchilar bor.

- "Alay"ning joriy mavsumdagi natijalari qanday bo'ldi?

- Biz mavsumni qiyin boshladik. Birinchi o'yindagi mag'lubiyat jamoaga ruhan tasir qildi. Ammo, tez orada o'z o'yinimizni topib oldik va bir nechta g'alabalarga erishdik. Mavsumni 2-o'rin bilan, yani kumush medallar bilan yakunladik.

Bekzod Tolibov yozib oldi

"Neftchi" sobiq darvozaboni: "Har qanday sharoitda futbol o'ynashni o'rgandim"