Ushbu turnirda ishtirok etayotgan “Neftchi” va “Neftchi U-18” jamoalari guruh bosqichlarini muvaffaqiyatli yakunlab chorak finali yo'llanmasini qo'lga kiritgan edilar.

Bugun har ikkala jamoamiz chorak final uchrashuvlari doirasida Qirgulidagi “Neftchi” SK o'yingohida boshqa guruhlardagi ushbu yo'llanmani qo'lga kiritgan raqiblariga qarshi uchrashuv o'tkazdilar.

Dastlab Baxrom Haydarov murabbiyligidagi asosiy jamoamiz “Neftchi” shahrimizning yana bir vakili “FarDu” jamoasiga qarshi maydonga tushdilar. Baxs bir o'yindan iborat ekanligini inobatga olgan xolda xar ikkala jamoa extiyotkorlik bilan o'yin olib bordilar. Shu sababli uchrashuvning asosiy daqiqalarida darvozalarga to'p kiritilmadi. Xakam tomonidan asosiy vaqtning qo'shib berilgan 90+2-daqiqasida Shodiyor Xojimatov “FarDU” darvozasiga gol kiritib uchrashuv masalasini xal qilib berdi!

“Xokim kubogi-2019” chorak finali.

“Neftchi” – “FarDU” 1:0
Gol: Shodiyor Xojimatov 90+2

Kunning ikkinchi yarmida jamoamiz muxlislari yana bir qiziqarli baxsga guvox bo'ldilar.

Ushbu bosqich doirasida Qirgulidagi “Neftchi” SK o'yingoxida Sherzod Zokirov boshchiligidagi “Neftchi U-18” jamoasi Andijon viloyatining “Uz Tong Xo” jamoasiga qarshi maydonga tushdilar.

Ushbu baxs xam deyarli birinchi uchrashuvdagi senariylar asosida o'tdi desak mubolag'a bo'lmaydi. Uchrashuv davomida xar ikkala jamoada xam gol urish uchun ko'plab imkoniyatlar bo'lgan bo'lsada, xal qiluvchi gol xakam tomonidan qo'shib berilgan vaqtda kiritildi. Bu uchrashuvda xam o'yinning asosiy vaqti tugab, xakam tomonidan qo'shib berilgan 90+2 daqiqasida “Neftchi U-18” jamoasi xujumchisi Dilshod Umrzakov qanotdan uzatib berilgan to'pni andijonliklar darvozasiga joylab qo'ydi va jamoasiga navbatdagi bosqich yo'llanmasini olib berdi!

“Xokim kubogi-2019” chorak finali.

“Neftchi U-18” – “Uz Tong Xo” 1:0
Gol: Dilshod Umrzakov 90+2

Shunday qilib bugungi kunning va bugungi uchrashuvlarning so'nggi daqiqalar jamoalarimizga omadli keldi!
Endi xar ikkala jamoalarimiz ertaga yarim final baxslari doirasida maydonga tushadilar. “Neftchi” jamoasi Samarqandning “Sherdor” jamoasiga qarshi baxs olib borsa, “Neftchi U-18” jamoasi esa “Qo'qon-1912” jamoasiga qarshi maydonga tushadilar.

“Xokim kubogi-2019”

Yarim final uchrashuvlari.

8-fevral. Soat 10:30 da “Neftchi” SK stadioni
“Neftchi” – “Sherdor”

8-fevral. Soat 13:30 da “Neftchi” SK stadioni
“Neftchi U-18” - “Qo'qon-1912”

"Neftchi": So'nggi daqiqalar jamoalarimizga omadli keldi