Учрашувда муроса кўчаси танланди – 1:1. "Нефтчи"дан ҳужумчи Шаҳзод Убайдуллаев гол урган бўлса, "Бунёдкор"дан эса Судайси Жўрабоев ҳисобни тенглаштирувчи гол муаллифига айланди.

Эътиборлиси, бугунги беллашувда фарғоналиклар кўригида бўлиб турган украиналик ярим ҳимоячи Юрий Батюшкин ҳамда беларуслик хавбек Дмитрий Лисакович ҳам майдонда кўриниш берди.

30 ёшли Батюшкин фаолияти мобайнида Украинанинг турли жамоалари – "Сталь", "Николаев", "Горняк-Спорт", "Металлист 1925" ва Грузиянинг "Дила" жамоаларида ҳаракта қилган. Transfermarkt портали ўйинчини 250 минг еврога баҳолаяпти.

23 ёшли Лисакович эса "Узда", "Крумкачи", "Торпедо" Минск, "Ислочь" каби Беларусь жамоалари шарафини ҳимоя қилган. Transfermarkt портали уни 250 минг еврога баҳоламоқда.

Аввалроқ "Нефтчи" грузиялик футболчини сафига қўшиб олганини эълон қилган эди.

"Нефтчи" таркибида 2 нафар легионер кўрикдан ўтмоқда