Ushbu bahsdan so'ng qo'qonliklar bosh murabbiyi championat.asia saytiga o'z fikrlarini bildirib o'tdi.

Nazorat uchrashuvi. "Qo'qon-1912" "Neftchi"ni mag'lub etdi

"Bugun barcha o'ylagan narsalarimiz o'xshamagan bo'lishi mumkin, sababi bu yildagi birinchi o'yinimiz. Ko'rikdagi yangi futbolchilarni tekshirib olishga erishdik. Maydon holati ham og'ir, shu bois yuqori saviyadagi futbol ko'rdik deb o'ylamayman. Ammo yig'indagi dastlabki g'alaba uchun yigitlarga rahmat aytaman. O'ylaymanki yangi futbolchilar o'yin uslubimizga moslashib ketishadi va o'tgan yilgidek jangovor jamoa tuza olamiz deb.

"Neftchi" o'z oldiga yuqori maqsadlar qo'ymoqda, tarkibida Superligada o'ynagan Azam Aliev, Sherzod Karimov, Abdul Aziz Yusupov kabi futbolchilar bor. Shu bois farg'onaliklar 2021 yil Pro ligadan Superligaga chiqishga asosiy davogarlardan biri bo'ladi.

Bugun tarkibimizda bir qator yangi futbolchilar maydonga tushishdi. Ulardan Mo'min Meliev, Farhod Bekmurotov va Eldor Adhamov yangi mavsumda "Qo'qon-1912"da to'p tepishi aniq. Ko'rikdagi qolgan o'yinchilarning imkoniyatlarini keyingi o'yinlarda ham ko'ramiz va bir to'xtamga kelamiz", - deydi Baxtiyor Ashurmatov.

"Neftchi"ga qarshi o'yindan keyin Baxtiyor Ashurmatov nimalar dedi?