"Qizilqum"ni g'alaba bilan tabriklayman. Bugun ishtiyoqimiz katta edi, yigitlar maydonga faqat g'alabani o'ylab tushishgandi. Ancha qiyinchiliklar bo'ldi, birinchi taymda juda yaxshi o'ynadik, 65-daqiqalardan keyin futbolchilarimiz charchab qolishdi. "Qizilqum" so'nggi daqiqalarda yaxshiroq o'ynadi. Muxlislarimizga rahmat aytaman, bizni ajoyib tarzda qo'llab turishdi. Rahbariyatimizga shunday sharoitlar yaratib berishgani uchun minnatdorchiik bildiramiz. Bugun g'alaba qozonamiz deb yaxshi niyatda tushgandik, afsus...muxlislardan uzr so'raymiz.

Qiyin o'yin bo'ldi. "Turon" futbolchilariga ham rahmat, ular mehnat qilishdi, omad raqibga kulib boqdi", - deydi Ilhom Zaylobiddinov.

- Islombek Ismoilov "Turon" yutqazgani uchun matbuot anjumaniga kelmadimi yoki boshqa sabab bormi?
- Vaziyatni ko'rib turibsizku, albatta mag'lubiyat qattiq tasir qildi. Hozir uning holatini tushunib turibman. Matbuot anjumanida qatnashishi qiyin.

- Aslida "Turon"ga tegishli bo'lgan Doniyor Ismoilovni yozda qaytarish niyati bormi?
- Buni vaqt ko'rsatadi. Hozircha kim keladi, kim ketadi o'ylaganimiz yo'q. Faqat g'alaba haqida o'ylayapmiz. Kubokda yutdik, ammo Superligada yuta olmayapmiz. Yaxshi niyat bilan tushayapmiz, ammo g'alaba yo'q. Hamma narsa bo'lmoqda, ammo oxirida ko'rdingiz nimalar bo'ldi. Futbolda ko'p narsa omadga ham bog'liq ekan.

Nega Islombek Ismoilov "Qizilqum" bilan o'yindan keyin matbuot anjumaniga kelmadi? Ilhom Zaylobiddinov javob berdi