O'yin haqida

- Birinchi bo'limda o'yin nazorati to'liq biz tomonda edi. Imkoniyatlarimizdan foydalana olmadik. G'alaba qozonish uchun yuzaga kelgan vaziyatlarni golga aylantirish kerak. Ikkinchi bo'limda mehmonlar o'z vaziyatidan foydalanib, darvozamizga gol kiritishning uddasidan chiqishdi.

- Jamoaning jismoniy holati qanday?

- Jismoniy holatimiz joyida. Biz bugungi o'yinda raqibdan jismoniy jihatdan ortda qolmadik.

- Salamat Quttiboev va Arislan Yusupbaevlar haqida …

- Salamat Quttiboevda jarohat bor, tiklanishi uchun vaqt kerak. Arislan ham deyarli shunday vaziyatda. Muolajalarni olishayapti, tez orada safga qaytishlaridan umid qilamiz.

- “Aral” jamoasi birinchi bo'limda yaxshi o'yin ko'rsatgandi. Ikkinchi bo'limda esa pasayish yuzaga keldi. Buni qanday izohlaysiz?

- Yo'qotishlarimiz bor, jarohatlar, diskvalifikaciyalar. Salamat Quttiboev va Arislan Yusupbaevlarda jarohat bor. Ayni damda shunaqa vaziyatdamiz. Yo'qotishlar pand berayapti. Ikkinchi bo'limda ham yomon o'ynadik deb ayta olmayman. Vaziyatlarimiz ham bo'ldi, foydalana olmadik. Himoyada etiborni yo'qotdik, raqib birgina vaziyatidan foydalanib ketdi.

Nematillo Quttiboev: “Yo'qotishlar pand beryapti”