Термизликлар бошқарув постига тажрибали Дилшод Нуралиевни олиб келгач, селекция ишлари ҳам жадаллик билан олиб борилмоқда. Бунинг натижасида бир қатор маҳоратли ва шу билан параллел равишда иқтидорли футболчилар жамоа сафига келиб қўшилди.

«Сурхон»нинг Тошкентда ўтаётган йиғинига яқинда Суҳроб Неъматов келиб қўшилди. Асосан «Бухоро»даги ёрқин ўйинлари орқали ишқибозларга яхши маълум бўлган футболчи эндиликда Про-лига жамоаси шарафини ҳимоя қиладиган бўлди. Неъматовнинг ўзи билан суҳбатлашганимизда, «Сурхон» билан ҳозирча шартнома имзоламаганини, лекин ҳар икки томон оғзаки келишувга эришилгани ҳақида айтиб ўтди.

Неъматов энди «Сурхон»да ўйнайди