- "Lokomotiv" jamoasini g'alaba bilan tabriklayman. Qiyin o'yin bo'ldi. Ilk daqiqalardanoq vaziyat yaratishga muvaffaq bo'ldik. Bugungi o'yinda kim birinchi bo'lib gol ursa, o'sha g'alaba qozongan bo'lardi.

- "Aral" jamoasi sardori Salamat Quttiboev jarohat sababli o'yinni erta tark etdi. Bu jamoaning o'yiniga qanchalik tasir qildi deb o'ylaysiz?

- U bizning etakchi futbolchimiz. Bu albatta, o'z tasirini o'tkazdi. Kutilmagan holat bo'ldi. Salamat chiqib ketganidan keyin ham golga tortadigan vaziyat yaratdik, biroq gol ura olmayapmiz.

- Jamoangiz bugun yomon o'ynadi deb hisoblaysizmi?

- Yo'q, bugun zo'r o'ynadik. Ayniqsa, birinchi bo'lim yaxshi o'tdi. Kichik epizodlarda ko'p xatolar qildik.

- Pro-liganing ushbu mavsumi Siz uchun qanday o'tyapti?

- 6ta jamoa bilan bir davrani tugatdik. Tanaffus ko'p, 10-11 kun bo'lyapti. Qiyin bu, bizlarga ham, yigitlarga ham. Barchani yuqori jismoniy holatda ushlab turish qiyin.

- Birinchi bo'lim boshida jamoangiz bir qancha yaxshi vaziyatlar yaratgandan keyin birdaniga sekin o'yin ko'rsatishni boshladi. To'p chiqib ketgan vaziyatlarda sekin o'yinga kiritib, o'yinni sekinlashtirishga harakat qildi. Siz raqibning xatosini kutish orqali o'yinni tashkil qilishni istadingizmi?

- Yo'q, biz o'yin boshidanoq pressing orqali hujumkor o'yin namoyish qilishni ko'rsatma bergandik. Ilk daqiqalardagi vaziyat ham pressingdan keyin yuzaga keldi. To'p chiqib ketganidan keyin pauza bilan o'yinga kiritishni ko'rsatma bermaganman. Bu o'yindan kelib chiqib amalga oshdi.

Nematulla Quttiboev: "Bugun kim birinchi bo'lib gol ursa, o'sha g'alaba qozonardi"