- "Lokomotiv"ni Superligaga chiqqani bilan tabriklayman va ularga Superligada omad tilayman. O'yinni yaxshi boshlagandik. Dastlabki 15 daqiqalikdan keyin raqiblar o'yinni tenglashtirdi. Biz gollar urishimiz kerak edi. Lekin ko'p ham vaziyatlarimiz bo'lmadi. "Lokomotiv" himoyada zo'r o'ynadi. Keyin esa penaltidan gol urdik. Buyog'iga vaqt etmay qoldi. Yigitlarimga rahmat aytaman, ular oxirigacha kurashishdi.

- Pro-liganing ushbu mavsumi haqida nima deya olasiz?

- Zo'r deya olmayman. 6 jamoa kurashdi. O'yinlar soni kam bo'lgani uchun o'rtadagi muddat katta bo'ldi. Har 10 kunda o'ynaydigan futbolchilarning jismoniy holatini ushlab turish oson bo'lmadi.

- O'tish o'yini 14 dekabr kuni o'tkaziladi.

- Biz tayyorlanamiz. Superliganing jamoasi bilan ham munosib o'ynab, jamoani Superligaga olib chiqishga harakat qilamiz.

- Savolni to'ldiraman: 2022 yil "Lokomotiv" ham o'tish o'yinida o'ynaganida sal kam bir yarim oylik tanaffusdan keyin o'sha bahsga etib borgandi. Jamoa deyarli bir yarim oy o'yin o'tkazmagan va o'yin tonusisiz qolgandi. "Aral"da ham shu holat qiynashi mumkinmi?

- 100 foiz. Hozir men 10 kun uchun shikoyat qildik, lekin bu erda gap 1 yarim oy haqida ketmoqda. Superliga jamoalari o'zaro o'yinlar o'tkazadi. Ularda chempionat ham tugamadi. Yigitlarni qay tariqa yaxshi holatda ushlab turamiz, bilmayman. Ha, qiyin bo'ladi, shunda ham o'ynash kerak.

- "Aral" Superligaga juda yaqin kelgandi. Jamoa kerakli hisobda g'alaba qozonsa bo'lgani edi. Bugungi o'yin davomida jamoada o'yinni o'ziga oladigan etakchi ko'rinmadi. Bunga nima sabab tasir o'tkazdi?

- Hamma narsa. O'yin oldidan ko'rsatmalar berayotganimda futbolchilardan kim shunday o'yinda o'ynaganini so'radim. Bu kabi salkam final o'yinlarida hech kim o'ynamagan. Etakchi haqidagi gapni ham aytdim. Bunday paytda jamoada etakchi bo'lishi kerak. Futbolchilardan tayyormisiz, maydonga tushib, g'alaba qozona olasizlarmi, boring, deb aytdim. To'g'ri aytdingiz, jamoada etakchi, boshi bilan gol ura oladigan futbolchilar kerak. Bizga hissiyotlar etishmadi. Lekin o'yin bobida "Lokomotiv" bizdan kuchli edi deya olmayman. Ularga qarshi 4 o'yin o'tkazgan bo'lsak, faqatgina bittasida ulardan pastroq o'ynadik. Qolgan holatlarda biz "Loko"dan yaxshiroq edik. Bugun "Loko" himoyada juda tartibli o'ynadi. Bizda esa unday bo'lmadi.

Nematulla Quttiboev: "Lokomotiv"ga qarshi 4 o'yin o'tkazgan bo'lsak, shularning 3tasida biz ulardan yaxshiroq edik"