Germaniyaning mashhur "Bild" nashrining yozishicha, Evro-2024ga kelib nemis mashinasini Yurgen Klopp boshqarishi mumkin. Chunki Yoaxim Lyovning GFI bilan amaldagi shartnomasi 2022 yilda yakunlanadi.

Shuningdek, nashr Evro-2024da Germaniya terma jamoasining o'zagi tashkil qiladigan taxminiy tarkibni keltirdi. Unga ko'ra, quyidagi futbolchilar o'sha paytga kelib terma jamoa tarkibida o'ynashlari mumkin.

"Bild" nashri Germaniya terma jamoasining Evro-2024 uchun elon qilgan taxminiy tarkibi:
ter Shtegen (32 yosh) - Kerer (27 yosh), Zyule (28 yosh), Ta (28 yosh), Klostermann (27 yosh) - Noyxaus (27 yosh), Kimmix (29 yosh) - Brandt (28 yosh), Xaverc (25 yosh), Sane (28 yosh) - Verner (28 yosh)

Shuningdek, o'sha paytga kelib terma jamoaning asosiy tarkibida o'ynashi mumkin bo'lgan potencial futbolchilar qatorida O'zbekistonda tug'ilgan va ayni paytda "Gannover"da o'ynayotgan Anton Valdemar, Mattias Ginter, Timo Baumgartl va Arne Mayer tilga olingan. Aynan mazkur futbolchilarni nemis matbuoti juda maqtamoqda.

Maksimilian Eggeshtayn, Sedrik Toyxert, Arp va Devi Zelke ham terma jamoa darajasiga chiqishi mumkin bo'lgan futbolchilar sifatida etirof etilmoqda.

Nemis matbuoti Germaniyada o'tadigan Evro-2024da O'zbekistonda tug'ilgan futbolchi o'ynashiga ishonmoqda