"Keynning intervyusini o'qigandim. U "Tottenxem" sovrin yutishga qodir degandi. O'shanda Xarri Angliya Kubogi yoki Liga Kubogini emas, APLni nazarda tutgandi.
Ularning APLni yutishini istisno qila olmayman. Mourino jamoani g'alabalarga o'rgatmoqda, unga faqatgina sovrin etishmayapti. Jozening g'aroyib miyasidan nimalar o'tayotganini bilib bo'lmaydi.
"Tottenxem" ushbu yozda transferlarga katta summa ishlatishini kutmagandim. Mourino shunday murabbiyki, pul talab qiladi va natijalari bilan javob qaytaradi. Endi "shporlar"ning tarkibi ajoyib va raqobatbardosh.
Hujumkor futbolchilar yaxshi o'ynamoqda, ha, ushbu mavsum g'alati o'tyapti, biroq Mourino ularning kuchi evaziga sovrinlar yutishi mumkin. "Arsenal", MYU, "Chelsi" kabi jamoalardan oldinda turish anchagina yoqimli. Mavsum avvalida qilgan taxminimda ularni kuchli to'rtlikka qo'shmagandim, endi esa jamoani chempionlik uchun kurashchilar ro'yxatiga kiritaman.
Mourino "Tottenxem" bilan APLni yuta oladi - bo'lishi mumkin. U futbolchilarga ishonch taqdim qilmoqda, yigitlarning miyasiga g'alaba qozonish o'rnashib qolgan. Bu esa futbolchilarning mentaliteti kuchayishida katta rol o'ynaydi", - dedi Nevill.

Nevill Mourinoga nima etishmayotganligini aytdi