"Кейннинг интервьюсини ўқигандим. У "Тоттенхэм" соврин ютишга қодир деганди. Ўшанда Харри Англия Кубоги ёки Лига Кубогини эмас, АПЛни назарда тутганди.
Уларнинг АПЛни ютишини истисно қила олмайман. Моуриньо жамоани ғалабаларга ўргатмоқда, унга фақатгина соврин етишмаяпти. Жозенинг ғаройиб миясидан нималар ўтаётганини билиб бўлмайди.
"Тоттенхэм" ушбу ёзда трансферларга катта сумма ишлатишини кутмагандим. Моуриньо шундай мураббийки, пул талаб қилади ва натижалари билан жавоб қайтаради. Энди "шпорлар"нинг таркиби ажойиб ва рақобатбардош.
Ҳужумкор футболчилар яхши ўйнамоқда, ҳа, ушбу мавсум ғалати ўтяпти, бироқ Моуриньо уларнинг кучи эвазига совринлар ютиши мумкин. "Арсенал", МЮ, "Челси" каби жамоалардан олдинда туриш анчагина ёқимли. Мавсум аввалида қилган тахминимда уларни кучли тўртликка қўшмагандим, энди эса жамоани чемпионлик учун курашчилар рўйхатига киритаман.
Моуриньо "Тоттенхэм" билан АПЛни юта олади - бўлиши мумкин. У футболчиларга ишонч тақдим қилмоқда, йигитларнинг миясига ғалаба қозониш ўрнашиб қолган. Бу эса футболчиларнинг менталитети кучайишида катта роль ўйнайди", - деди Невилл.

Невилл Моуриньога нима етишмаётганлигини айтди