"Albatta, ser Aleksning ketganidan keyin klub izidan chiqib ketganiga shubxa yo'q. Ole bu yo'lda bir qator qadriyatlarni jamoaga qaytardi. Ko'plab futbolchilar jamoa uchun o'ynashni istamoqda. So'nggi bir necha transferlar esa "Manchester Yunayted"ni yuqoriga ko'tarishi kerak.
Biroq Ronaldu, Sancho va Varanning transferidan keyin bosim oshib ketadi. Ole buni biladi. Bu haqida matbuot anjumanlarida ham gapirib o'tgan. Sen shunday futbolchilari bor jamoani boshqaryapsanmi, 3-4 yil kutmasdan sovrinlarga ega chiqishing kerak.
Ole o'zi haqida o'ylashi, egoist bo'lishi kerak. U Ronaldudan to'g'ri foydalanayotganini bilib turishi lozim. Menimcha u Ronaldu bilan shu tarzda gaplashishi kerak: "Eshit, agarda nimadir ortiqcha harakat qilmoqchi bo'lsang, buni kiyim almashtirish xonasida qil". Yani, maydonda so'roqsiz ishlar qilinmasligi kerak.
Biroq Krishtianu anoyi emas. U ham indamay yurishi mumkin. Biroq bir kun kelib, albatta yoriladi", - dedi Nevill.

Nevill: "Sulsher Ronaldudan to'g'ri foydalanyotganiga amin bo'lishi kerak"