ЖЧ-2018дан сўнг таътилда бўлган бразилиялик ҳужумчи Неймар клуб сафига қайтди.

Неймар ПСЖ сафидаги ўзининг сўнгги учрашувини февралда ўтказган эди. Форвард "Марсель"га қарши Франция чемпионати ўйинида жароҳат олиб, узоқ муддатга сафдан чиққан эди.

Суперкубок учун баҳсда ПСЖ ҳужумчиси Эдинсон Кавани жароҳат туфайли иштирок эта олмайди. "Монако" қайдномасига форвард Радамель Фалькао ва ЦСКАдан харид қилинган Александр Головин киритилмади.

Клуб матбуот хизмати Неймарнинг видео мурожаатини жойлади ва "Ким Шенженда эканлигига қаранг" деб ёзди.

ПСЖ - "Монако" учрашуви 4 август куни Тошкент вақти билан 17:00да бошланади.

Неймар ПСЖ билан Хитойга йўл олди