Uchrashuvning 15-daqiqasida jamoadoshlari boshlagan hujumni Neymar kuchli va aniq zarbasi bilan Buffon qo'riqlayotgan darvozaning “to'qqiz” ligiga joylab qo'ygan bo'lsa, oradan o'n daqiqa o'tar-o'tmas yana o'sha tinib tinchimas braziliyalik futbolchi turinliklar himoya qo'rg'onini bir o'zi “yanchib” o'tib, ikkinchi bor Bufffoni o'z darvozasidan to'p olib chiqishga majbur qildi. Ikkinchi bo'lim o'rtalarida burchakdan uzatilgan to'pni “Yuve” faxriysi Kellini boshi bilan darvozaga aniq yo'lladi -1:2.

Shu tariqa Valverde qo'l ostida dastlabki uchrashuvni “Barsa” g'alaba bilan boshladi.

Xalqaro chempionlar kubogi.

Yuventus - Barselona - 1:2 (0:2)

Nyu-Jersi, Met Layf stadioni. 82104 tomoshabin.

Gollar: Neymar 15, 26, Kellini 63.

Yuventus: Buffon (Shesny 46), Barcali (Kellini 46), Lixtshtayner (De Shilo 46), Benatiya (Mandragora 69), Xedira (Rinkon 46), Markizio (Pyanich 46), Asamoa (Sandro 60), Lemina (Dibala 59), Sturaro (Duglas Kosta 59), Bentankur (Kuadrado 60), Mandjdukich (Iguain 60).

Bosh murabbiy: Massimiliano Allegri.

Barselona: Sillessen (Ortola 52), Pike (Marlon 51), Din (Alba 46), Maskerano (Umtiti 52), Inesta (Alenya 51), Rakitich (D. Suares 46), Vidal (Semedu 46), Samper (Buskets 46), Messi (Turan 46), Neymar (Roberto 46), Alkaser (L. Suares 46).

Bosh murabbiy: Ernesto Valverde.

Ogohlantirish: Vidal 35, Markizio 43.

Hakam: Jurishevich (AQSH).

Neymarning “dubl”i “Barselona”ga “Yuventus” ustidan g'alaba keltirdi