Yodingizda bo'lsa, bundan ikki yil avval Afsonaviy "San-Siro": paydo bo'lishi, xo'jayinlari va "Uzuklar hukmdori" haqidagi maqolani etiboringizga taqdim etgan edik. Oradan yillar o'tib, nihoyat Milan klublari o'rtasidagi muammolar hal bo'lmoqda...

"Milanda "San-Siro" stadionining yangi ko'rinishi qanday bo'lishini aniqlab olishdi", - deb elon qildi mer Beppe Sala. Uning aytishicha, hukumat vakillari "Inter" va "Milan" bilan arenaning qayta tamirlash ishlari bo'yicha kelishuvga erishgan. Shuningdek, shahar meri aniqlik kiritdiki: klublar mamuriyat tomonidan taqdim etilgan amaldagi texnik-iqtisodiy asoslardan hamda shaharsozlik rejasidan chetga chiqmaslikka va Sar-Siro tumanini sport va ko'ngilochar voqealar uchun mo'ljallangan yashil hudud sifatida rivojlantirishga rozi bo'lishgan.

Klublar ikki xil variantdagi loyihalarni taqdim etishgan - "Cherkov" va "Halqalar". Katta ehtimol bilan, aynan birinchi variant tanlanadi. Ammo u to'liqligicha loyihadagi kabi ko'rinishda bo'lmaydi. Ko'plab savdo markazlari va ofislar qurilmaydigan ko'rinadi... Biroq hozircha loyihadagi detallarning katta qismi nomalumligicha qolmoqda.

Qurilishi rejalashtirilgan obektlar zichligi dastlabki loyihada "Sport va o'yin-kulgu" kategoriyasi uchun belgilangan cheklovdan 28 punktga chiqib ketayotgandi - klublar 36 punktni hudud kategoriyasini o'zgartirib, "Ko'p funkciyali qurilish"ga "aylantirishni" ko'zlagandi. Aynan shu jihat muzokaralarda asosiy muammoga aylandi. Shuning uchun klublar ancha vaqtgacha "oyoq tirab turib olgandi" - investiciya hajmi (1,2 mlrd evro)dan kelib chiqib qurilishdagi obektlar zichligini oshirish zarur deb hisoblardi. Biroq yakunda taslim bo'lishdi va asta-sekin talablarini kamaytirib borishdi. Ish oxiri qurilishning hozirgi kategoriyasining yuqori chegarasida - 35 punktda to'xtashdi.

Arenaning tashqi ko'rinishi kim mezbon sifatida o'ynashiga qarab, rangini o'zgartiradi (derbida esa - kim rasmiy mezbon bo'lishiga qaraladi).

Biroq bu jarayon juda tez amalga oshishi va qayta tamirlash ishlari jadal suratda olib borilishi ancha qiyin masala. Beppe Sala Olimpiada-2026 ochilish marosimi eski "San-Siro"da bo'lishini talab qildi va qolganlar bunga rozi bo'lishdi.

Nozima Zaripova tarjimasi

Nihoyat "Milan" va "Inter" "San-Siro" loyihasi bo'yicha hukumat bilan kelishib oldi