O'yin haqida

"Neftchi"ni g'alaba bilan tabriklayman. Bugungi o'yin uchun o'z jamoaga rahmat aytmoqchiman.

Birinchi davradagi o'yindan farqli o'yin bo'lishini bilardim, sababi "Neftchi"da murabbiy o'zgardi. Biz bugun nozik joyimiz bo'lgan standartlardan gol o'tkazdik. Raqibdan shunday o'yin kutgandik. "Neftchi"ning himoyasini yorib kirishga qiynaldik.

- Komolafeni ancha barvaqt almashtirishingizning sababi nima?

- Murabbiylar shtabi bugun uning kuni emasligini sezdik. Pol uchrashuv boshidan uni almashtirgunimizgacha o'ziga o'xshamadi.

- Uchinchi marta "Neftchi"ga qarshi o'ynadingiz: ikkita chempionatda va bitta kubokda. Balki yigitlaringiz "Neftchi" quyi o'rinlarda borayotgani uchun mensimagandir...

- Bunday o'ylamayman. Raqibni mensimaslik kabi holat bo'lmadi. Biz bugun faqat g'alaba uchun o'ynadik.

- Nesterov o'yin tugaganidan keyin muxlislar bilan tortishib ketdi. Bunga qaraysiz?

- To'g'risi buni ko'rmadim. U tajribali futbolchi. Ignatiy 20 yildan buyon futbol o'ynamoqda. Balki muxlislar provakacion harakat qilishgandir...

- Temurxo'ja Abduxoliqov deyarli har o'yinda gol urayotgandi. Bugun esa bunday bo'lmadi, uning o'yiniga qanday baho berasiz?

- Raqib uch nafar markaziy himoyachi bilan o'ynashini bilardik. "Neftchi" himoyasi yaxshi himoyalandi va hujumchilarimiz o'zlarini ko'rsata olishmadi.

- Bugungi mag'lubiyatdan keyin "Qizilqum"da sovrinli o'rinlar uchun kurashish uchun imkoniyati qanday?

- Hali imkoniyatimiz bor, biz oxirigacha kurashamiz", dedi navoiyliklar ustozi.

Nikola Lazarevich: "Bugun nozik joyimizdan pand edik"