O'yin haqida

- "Nasaf"ni g'alaba bilan tabriklayman. Menimcha, Superliganing eng kuchli jamoasiga yutqazdik. Turkiyadagi yig'inlardayoq "Nasaf"ni kuzatib, bu jamoa chempionlik uchun asosiy davogarlardan biri ekanligiga amin bo'lgandim. O'sha payt ham buni aytgandim. Ularga eng yaxshisini tilayman. Jamoaga chempionlikni, OCHL yo'llanmasini tilab qolaman. O'yinga kelsak, yigitlarimga minnatdorchilik bildirmoqchiman. Ular 90 daqiqa mobaynida bor kuchlari bilan harakat qilishdi, tartibli o'yin ko'rsatishdi. Biz 100% shunday o'yin kutgandik. Ular qarshi hujumlarda juda xavfli ekanliklarini bilardik. Biz bo'sh hududlarni yopishga harakat qildik. Qanot o'yinchilari bilan ham personal o'ynashga intildik. Nima deyishim mumkin, 90 daqiqalarga yaqin xatolarga yo'l qo'ymoqdamiz, bu koncentraciyani yo'qotish bilan bog'liq, menimcha.

- Ketma-ket uchinchi o'yinda "Qizilqum" o'yinchilari qizil kartochka olishmoqda. Bu nima bilan bog'liq?

- Jamoada intizom masalasi joyida. Bundan muammo yo'q. Tarkibimzda yo'qotishlar ko'p. Juda qiyin bo'lmoqda. Bugun ham o'yinning oxiriga qadar durangni saqlab qola olmadik.

- 90 daqiqa davomida faqat bir hujumchiga paslar berib o'ynash qanchalik to'g'ri? Biz "Qizilqum"ni kombinacion o'yin ko'rsatishiga o'rganib qolganmiz...

- To'g'ri qaror. Raqib kuchli jamoa. Bizda vaziyatlar bo'ldi.

- Nesterovning oxirgi o'yinlarda zaxirada qolib ketayotganiga sabab nima?

- Javohir Ilyosov ham yaxshi darvozabon. Bizg unga ham imkoniyat berishga qaror qildik. Bugun ham aynan u bir necha vaziyatlarda jamoani qutqardi. Nesterov zaxirada qolayotganiga aynan bir sabab yo'q. Ilyosov ham Nesterov kabi kuchli darvozabon. Bu shunchaki bizning qarorimiz.

- Komolafening oxirgi daqiqalarda zaxiraga olinishiga sabab?

- Bu taktik o'zgarish edi. Gol urganimizdan so'ng besh himoyachi bilan o'ynashni boshladik. Uch o'yinchi yarim himoyada edi. Komolafe hujumchi sifatida harakat qilayotgandi. Bir o'yin tugashiga bir necha daqiqa qolganda 4-5 sxemasiga o'tdik va chuqurroq himoyalanishga harakat qildik.

Nikola Lazarevich "Nasaf" haqida: "Menimcha, Superliganing eng kuchli jamoasiga yutqazdik"