Biz esa vaziyatga oydinlik kiritish maqsadida futbolchi bilan bog'landik.

- Nikola, “So'g'diyona”dan ketganingiz rostmi? Ijtimoiy tarmoqlardagi xabarlarga izoh bersangiz...
- Mening klub bilan shartnomam 30 noyabrda tugadi. Jamoada qolib keyingi yil sovrinlar uchun kurashishni istayman. Menga bu erda barcha narsa maqul. Yana besh, olti yil “So'g'diyona”da qolib, so'ng faoliyatimni yakunlamoqchiman. Hozirda Serbiyaga vatanimga qaytdim, tatilni o'z yurtimda, oilam davrasida o'tkazmoqchiman. O'zbekistonda qolish yoki qolmasligim borasida aniq gap ayta olmayman. Shunisi aniqki, men jon deb bu erda qolishni xohlayman.

- Bu yil jamoa mavsumni to'rtinchi pog'onada tugatdi. Osiyo Chempionlar ligasiga chiqishiga bir qadam qolgandi. Umuman yakunlangan mavsumni qanday baholaysiz?
- To'rtinchi o'rin biz uchun yaqin yillardagi tarixiy natija hisoblanadi. So'nggi turgacha sovrinli o'rinlar uchun kurashdik. O'ylaymanki, qayd etilgan natijalar, jamoa namoyish etgan o'yin muxlislar etirofini qozona oldi. Fikrimcha, biz OCHLga munosib edik. Hamma yuqori saviyada ishladi. Muxlislar, klub prizdenti, murabbiylar, futbolchilar va qolgan xodimlar birlasha oldi. Garchi so'nggi o'yinda mag'lub bo'lib, imkoniyatni boy bergan bo'lsakda natijadan mamnunman.

- Sizni klubga Sergey Lushan taklif qilgandi. Orada katta o'zgarishlar yuz berdi. Murabbiy almashdi. Ulug'bek Baqoev bilan Sergey Lushchan o'rtasidagi tafovutni aytib bera olasizmi? Boisi siz ikki murabbiy qo'l ostida turlicha o'yin namoyish etdingiz...
- Buni qarangki, menga ikki ajoyib murabbiy bilan birga ishlash nasib qildi. Ular turlicha uslubga ega. Men ikkalasi uchun ham bir jamoaning o'yinchisi edim. Vazifalarim o'zgargani yo'q. Baqoev va Lushchan faoliyatimdagi eng yaxshi murabbiylar hisoblanadi

Abdulaziz Iskandarov suhbatlashdi

Nikola Milinkovich: "Faoliyatimni “Sug'diyona”da yakunlamoqchiman"