Bu o'yinda jamoasining g'alabasiga munosib hissa qo'shgan serbiyalik darvozabonga bir nechta savollar bilan murojaat qildik.

- Nikola g'alaba bilan tabriklaymiz. "Buxoro" Superliga sari katta qadam tashlagan uchrashuvdan qanday taassurotlar qoldi?

- Biz final uchrashuvida maydonga tushdik. To'g'ri o'yin Pro liga doirasida o'tkazildi. Biroq chinakamiga ikki jamoa uchun finalga teng bahs edi. Maydonda ko'p kuch sarflandi, asabiy holatlar ko'p bo'ldi. Murabbiylarning ko'rsatmalarini to'g'ri bajarishimiz evaziga ijobiy natija erishdik.

- "Buxoro" Superliga yo'llanmasi masalasini hal qildi, desak bo'ladimi?

- Bu haqida avval ham aytganman. Superligaga chiqish masalasi oxirgi turdan so'ng hal bo'ladi. Oldinga katta siljish qildik. Qolgan 3ta uchrashuvga jiddiy tayyorgarlik ko'ramiz. Har qanday holatda ham bo'shashishga haqqimiz yo'q.

- Hakim Fuzaylov bilan avval "Istiqlol"da birga ishlagansiz. "Buxoro"ga kelishingiz bevosita ushbu mutaxassis bilan bog'liqmi?

- Hakim Qayumovich bilan 2019 yil "Istiqlol"da birga ishlaganmiz. Shu bois mavsum boshida "Buxoro"ga taklif qildi. Ochig'i bu haqida o'ylamagandim. 2021 yil "Dinamo"ni Superligaga olib chiqdi. O'ylaymanki, bu ishni "Buxoro"da ham takrorlashga yaqin turidi.

- Avval Tojikistonda to'p tepgansiz. Endilikda O'zbekiston Pro ligasida debyut qildingiz. Avval o'ynagan mamlakatlaringizdan farqli o'laroq bu erda nima ajablantirdi?

- Ochig'i O'zbekistonda o'zimni juda yaxshi his qilaman. Biz bir oilamiz. Bo'sh kunlarda palov tayyorlaymiz. Maqsadimiz yo'lida dadil intilmoqdamiz. Bu erda muxlislik ham ajoyib darajada. Ular futbolni yaxshi ko'rishadi. Pro ligaga kelsak, juda qiyin musobaqa. Jamoalarning darajasi deyarli teng. Oddiy uchrashuvlar yo'q.

- O'zbekiston kubogi finalini ko'rdingizmi?

- Buni haqiqiy futbol bayrami deyish mumkin. O'yin atrofidagi ajoyib atmosfera maydonda ham bo'ldi. O'yinni stadiondan tomosha qildik.

Nikola Stoshich - "Buxoro"ning har qanday holatda ham bo'shashishga haqqi yo'q"