Ushbu jarayonni bevosita stadiondan sharhlab borishi uchun rossiyalik sharhlovchi Nobel Arustamyan ham taklif qilingan. "Championat.asia"ning rossiyalik jurnalisti Nikolay Egorichev mehmonning taassurotlari bilan qiziqdi.

"Ha, chindan Toshkentda qarindoshlarim bor. Shunday bo'lganki, bir-birimizni umumiy tanishlar orqali topganmiz. Mehmonga biror joyga borishga ulgurmadim. Sababi dasturim juda tig'iz, tashkilotchilar bilan ko'rishdim, meni Toshkentga anchadan buyon taklif qiladigan tanishlarim bor edi. Ular kelishim bilan meni "etiborga ko'mib tashlashdi".

Bugun bazi etiborga loyiq joylarda bo'ldik. Nomini eslolmayapman, bir masjidga bordim, uning ichiga ham kirdim. Jarayon qiziq bo'ldi va menga juda yoqdi. Tabiiyki osh edik, sho'rva ichdik. Qandaydir sharshaga ham bordik. Umuman olganda barchasi ajoyib va taqvim juda tig'iz.

Kecha tashkilotchilar tomonidan o'ziga xos kechki ovqat dasturxoni yozildi. Taomnomani tuzishda milliylikka alohida etibor qaratilganini sezdim. Bularning barchasi menga yoqdi.

O'zbekistonlik futbolchilar chet elga tanilib ulgurgan. Bu kuchsiz terma jamoa emas. O'zbekiston termasi doim JCH yo'llanmasi uchun kurash olib boradi. Jamoangizga doimo 1-2 ochko etmay qoladi va bu meni ranjitadi. Muntazam ravishda mundial uchun kurashning oxirgi bosqchilariga qadar etib borilgani uchun futbolchilaringiz malum darajada mashhurlikka ega. Rossiyadagi muxlislar uchun har holda yaxshi tanish o'yinchilaringiz bor.

O'yinga bir soatdan ko'proq vaqt qolmoqda. Muxlislarning kattagina qismi esa kelib bo'lgan. O'ylashimcha, birozdan so'ng bu erda katta bayram bo'ladi.

Men Zakkardo, Jilardinoni avvaldan taniyman. Biroq bu erda ular uchun tuzilgan maxsus dasturi bor va shu sabab ularni chalg'itmaslikka qaror qildim. Mehmonxonada faqatgina ikki og'iz suhbatlashdik. Ular ham kutib olish va kecha bo'lgan kechki ovqat, milliylikdan hayratda", - dedi Nobel Arustamyan.

Nobel Arustamyan: "Chindan Toshkentda qarindoshlarim bor"