11 ойлик гўдак янги туғилган чақалоқдан сезиларли фарқда кучли бўлганидек, 7-12 ёшли футболчилар ўртасидаги мана шу 11 ойлик фарқ йил охирида туғилганларнинг зиёнига ишлайди.

Йилнинг биринчи ярмида таваллуд топган футболчилар доимий равишда октябрь - декабрь ойларида дунёга келганларга солиштирганда жуда кўп. Яқинда Тошкентда Осиё чемпиони бўлган U-20 терма жамоамизда 23 нафар футболчи қайдномадан жой олган бўлса, шундан 19 нафари августгача туғилган. Йилнинг сўнгги 3 ойига 2 нафар ўйинчи тўғри келяпти.

Энди Ўзбекистонда 2003-04 йилда таваллуд топган чақалоқлар статистикасига қараймиз. 2003 йилда 262 827, 2004 йилда 278 269 нафар ўғил дунёга келди. Жами 541 096 нафар. Бу ойига 45 000 нафардан дегани. Тизимдаги битта бандни йўқлиги туфайли 200 000 нафарга яқин чақалоқдан келажакда 10 нафар футболчи чиқмаяпти. Улар ҳам йилнинг дастлабки 9 ойида туғилган болакай каби чақалоқ бўлиб дунёга келади, улардан ҳеч қандай фарқи йўқ.

Диафрагмада Сиз иккита Осиё чемпионатида қатнашган терма жамоаларимизга оид маълумотни кўрасиз.

Бу ерда 2та терма жамоани таҳлил қилдим ва ундан ташқари Суперлигада 1995 (28 ёш) йилдан 2001 (22) йилгача таваллуд топган футболчиларни ҳам ўргандим.

Бу муаммо қаердан келиб чиққани аниқ, жисмоний томондан кичик ёш тоифалардаги мусобақаларда 6 ой ҳам жуда катта роль ўйнайди. Муаммо аниқ, касал йиринглаб бўлган, унинг давосичи? Бу ҳақда батафсил изланиш қилиб ёзаман. Аввал ҳам бу мавзуни кўтарганимда кўп маълумот тўплаганман, уни яна бойитишим ва сўнгги 2015 йилдан бери шўнғиганим болалар футболида амалиётда кўрганларимдан келиб чиқиб хулосаларимни ҳам айрим жойларига ўзгартириш киритаман. Ҳозирча, маълумот шу.

Ёш кичрайтириш мана шундан келиб чиқади. Ўз йилида туғилган, аммо йил бошидагилардан жисмонан орқада бўлганлар бу ишга қўл уради.

Россияда илмий гуруҳ 2020 йилдан бошлаб йилнинг охирида таваллуд топган футболчиларни йўқолиб бораётганлиги бўйича мавзуни кўтардилар.

Улар гапларини асослаш учун 2001 йилдан 2006 йилгача таваллуд топган Москванинг топ жамоаларининг статистикасига назар ташладилар.

Булар, "Спартак", ЦСКА, "Динамо", "Чертаново", "Краснодар", "Локомотив".

Мен улар ўтказган амалиёт ичида U-17 жамоасини мисол тариқасида Сизларга тақдим этаман. Статистика 170 нафар футболчидан келиб чиқиб тузилган.

Гувоҳи бўлганингиздек, Россияда ҳам йилнинг иккинчи ярмида таваллуд топган футболчилар йўқ ҳисоби. Биздан фарқли равишда, рус футболи жисмоний тайёргарлик негизида тузилади. Бундай вазиятда йилнинг охирида таваллуд топган футболчини "еб" қўйишади.

Нодирхўжа Юлдашев

Нодирхўжа Юлдашев спортдаги энг катта муаммони айтди