"Bugungi yutuq bilan "Nasaf" jamoasini tabriklayman. O'z jamoamga katta rahmat. Ular bugun qo'llaridan kelganicha harakat qilishdi. Ularga minnatdorchilik bildiraman. Etakchi futbolchilarimiz? Ha ular jamoani tark etishdi. Yoshlarga imkoniyat berishda davom etamiz. O'yinga keladigan bo'lsak, dastlabki 20 daqiqadan so'ng Masharipovni almashtirishim kerak edi. Ha endi o'yinga kirishib ketadi deb kutdik. Ammo bu futbolchi ishonchni oqlay olmadi. Gol bo'lgan vaziyatda Masharipov va Andreev Gevorkyanni qo'riqlashi kerak edi. Ammo ular futbolchini yolg'iz qoldirishdi. Biz uchrashuv debyutini va so'nggi daqiqalarda tashabbus bilan o'ynadik. Uchrashuvning asosiy qismida "Nasaf" to'liq ustunlik bilan o'ynadi. Nima bo'lganiga tushunmadim? Balki charchagandirmiz. Chunki ko'plab futbolchilarimiz terma jamoa ixtiyoridan kuni kecha etib kelishdi. Igor Sergeev? Igor bugun ancha kurashdi. Harakat qildi, ammo unga gol urish uchun qulay vaziyatni yuzaga keltirib bera olmadik. Ribkin haqida gap ketadigan bo'lsa, u albatta Lobanov emas. Nikita ko'proq oyoq bilan o'ynashni istardim. Lobanov jamoamiz uchun katta yo'qotish bo'ldi", - dedi No'mon Hasanov.

No'mon Hasanov: "Nasaf" uchrashuvda ustunlik qildi"