No'mon HASANOV ("Paxtakor" bosh murabbiyi): - "Al Hilol" Osiyoning eng kuchli klublaridan biri sanaladi. O'yinga kelsak, biz g'alaba uchun keldik. Chiroyli futbol ko'rsatib, muxlislarimizni xursand etishni xohlaymiz.

Uydagi o'yinda birinchi bo'limda bizda yaxshi imkoniyatlar bo'ldi, biroq ulardan foydalana olmadik. Ikkinchi bo'limda esa yigitlar xarakter ko'rsatishdi. Butun bellashuv davomida faollik ko'rsatib, hujumkor futbol namoyish etishning imkoni yo'q. Jamoamizda biz amal qiladigan o'yin falsafasi mavjud. Uni yanada shakllantirishga intilamiz.

Suhrob BERDIEV ("Paxtakor" yarim himoyachisi): - Raqib kuchli, lekin biz o'yinga juda yaxshi tayyorlandik. Bahsning ahamiyatini yaxshi tushunib turibmiz. Ichki chempionatda mavsumni hali boshlamadik, biroq shundan o'yinlar kuchingga ishonch yuzaga keltiradi. Chempionlar ligasidagi tajriba ichki musobaqalarda asqotadi. Murabbiylar ko'rsatmalarini bajarib, uchrashuvda zafar quchishga harakat qilamiz.

No'mon Hasanov: "Raqib qitamizning eng kuchli jamoalaridan biri"