Муросасиз ва курашларга бой кечган учрашувда Улуғбек Бақоев шогирдлари 2:1 ҳисобидаги ғалабани тантана қилди. Дониёр Абдуманноповнинг голига эса тасанно. Биз эса мазкур учрашувга оид бир қатор қизиқарли фактларни эътиборингизга ҳавола қиламиз.

1. Ўйинда жиззахликлар ҳужумчиси Шоҳруз Норхонов ҳисобни очди. Ушбу футболчи кетма-кет тўртинчи ўйинда, Наманганда эса кетма-кет иккинчи йил "лочинлар" дарвозасига йўл топяпти. Аввалги учта ўйинда унинг голлари жамоасига 1:0 ҳисобидаги ғалабаларни келтирган. Бугун ҳам у уч очкога ҳиссасини қўшди.

2022. "Навбаҳор" - "Сўғдиёна" 1:2. Гол: Шоҳруз Норхонов, Дониёр Абдуманнопов
2021. "Сўғдиёна" - "Навбаҳор" 1:0. Гол: Шоҳруз Норхонов
2021. "Навбаҳор" - "Сўғдиёна" 0:1. Гол: Шоҳруз Норхонов
2020. "Сўғдиёна" - "Навбаҳор" 1:0. Гол: Шоҳруз Норхонов

2. "Навбаҳор" тўртинчи ўйиндирки, "Сўғдиёна"га мағлубиятга учрамоқда. Жамоа сўнгги бор 2020 йилнинг 7 июль куни Суперлиганинг 7-турида жиззахликлардан уч очко олган эди.

"Навбаҳор" - "Сўғдиёна" 2:0

Голлар: Руслан Болов, Иван Соловьёв

3. Зоран Марушич "Навбаҳор" либосидаги умумий 4 голини урди. Суперлигада эса 3 голга муаллифлик қилди.

4. "Сўғдиёна"нинг Суперлигадаги мағлубиятсиз серияси давом этади. 3та ғалаба, 2та дуранг. "Навбаҳор" эса 2 мағлубиятни қабул қилиб олди.

5. Дониёр Абдуманнопов "Сўғдиёна" либосидаги дебют голини урди. Футболчи жорий йил қишки трансферлар ойнасида жамоага келиб қўшилганди.

6. "Сўғдиёна" "Навбаҳор" билан ўзаро ўйинлардаги ғалабалар сонини 21тага етказди. Бу борадаги устунлик ҳамон "лочинлар" томонида, 25та ғалаба. 7та ўйинда томонлар муроса кўчасини танлашган.

Шу ва бошқа қизиқарли фактлар, маълумотларни қуйидаги ҳаволада ҳам ўқишингиз мумкин. ФАКТЛАР

Суперлига. "Сўғдиёна" Наманганда сўнгги дақиқаларда гол уриб ғалаба қозонди

Норхонов "қотил" ёхуд "Навбаҳор" - "Сўғдиёна" учрашувидан фактлар