- ОЧЛ нуфузли мусобақа. Биз ушбу турнирга қайтганимиздан мумнунмиз. "Ал Иттиҳод" бу турнир тарихида яхши натижалар қайд этган.

- Ушбу мусобақанинг аввалиданоқ ғалабани мақсад қилганмиз. Мақсадимиз бош совринни қўлга киритиш.

- Биз ОКМКнинг майдондаги имкониятларини ҳурмат қиламиз. Режамиз эса тушунарли: ғалаба учун ўйнаш. Қийин ўйинга тайёрланмоқдамиз.

- Очилиш ўйини ҳар доим тонни белгилаб беради. Бугунги машғулотлар қандай ўтишига қараб таркибни аниқлаймиз.

- Ўтган мавсумнинг охиридан бошлаб, биз бешта легионер ўйинчини ОЧЛ қайдномасига киритишимиз мумкинлигини билардик. Биз ҳар қандай ҳолатга тайёр эдик.

- Мақсадимиз Саудия Арабистони чемпионатини жаҳон даражасига олиб чиқиш бўлса, иқтидорли легионерларни жалб қилиш мантиқий қарор бўлади. Бироқ жамоа таркибини шакллантиришда мен қарор қабул қилмайман. Мен бу ерда жамоани тўғри томонга йўналтириш, ҳаммамизга мақул бўладиган қоидалар бўйича ўйин қуриш учун ишламоқдаман.

- Коронадо ва Жота жароҳат сабаб "Ал Ҳилол"га қарши ўйинда майдонни тарк этишди. Улар тикланишда давом этишмоқда, тикланиш вақти аниқ айтилмаган бўлса ҳам уларнинг тезроқ сафга қайтишларига оптимистик руҳда ишонмоқдаман.

- Гроэ ўзида кичик ноқулайлик сезди ва тиббий кўрикдан ўтди. Ҳаммаси яхши, биз эртанги машғулотлардан олдин тиббий гуруҳ билан унинг ўйинга қанчалик тайёрлигини муҳокама қиламиз.

Нуну Сантуш: «Мақсадимиз бош совринни қўлга киритиш»