Dastlabki bahsda mezbonlarning qo'li baland kelgan bo'lsa, ikkinchi uchrashuvda hamyurtlarimiz Koreyalik tengqurlaridan ustun keldi. Ortda qolgan navbatdagi yig'in hususida “Bunyodkor” jamoasi azosi Nurillo To'xtasinov o'z fikrlarini bildirib o'tdi.

- Janubiy Koreyaga qarshi kechgan o'yinlar haqida fikr va mulohazalaringiz...Sizningcha ikki jamoa to'liq kuch bilan harakatlandimi?
- Asosiy maqsadimiz o'yinimizni to'g'ri yo'lga qo'yib, uni yanada shakllantirish edi. Shuning uchun iloji boricha murabbiyimizning ko'rsatmalari asosida harakat qildik.

- Birinchi uchrashuvdan so'ng Lyubinko Drulovich qo'shimcha ravishda yana qanday ko'rsatmalar berdi?
- Standart vaziyatlardan unumli foydalanish kerakligini tushuntirdi.

- Bilasiz, koreyaliklar bilan osiyo chempionatida bir guruhdan o'rin olganmiz. Bu ikki o'yinnga qaraydigan bo'lsak, qita musobaqasida ularga qarshi qanday o'yin ko'rsatshimiz mumkin?
- Hamma narsa ro'y berishi hech gap emas. Vaziyatdan kelib chiqib ish tutamiz.

- Avvalgi turnirda ularni yarim finalda yirik, 4:1 hisobda mag'lub etganmiz. Ushbu scenariyni yana takrorlay olamizmi?
- Bu safar o'rtaga Olimpiada yo'llanmasi qo'yilgan. Demak, masuliyati katta bo'lgan musobaqada ikki terma jamoa ham borini berib to'p tepadi.

- Koreyaliklar markazda to'pni egallab tezkor hujumlarni uyushtirdi, aksariyat hollarda ular yakkakurashlarda ham ustun keldi. Balki yig'inga qo'shilmagan Oston O'runov, Xojiakbar Alijonov, Aziz G'anievni o'rni bilingandir?
- Jamoamiz ahil va inoq. Agarda ular ham qo'shilsa, biz yanada kuchayamiz.

Abdulaziz suhbatlashdi

Nurillo To'xtasinov: “Janubiy Koreya bilan Osiyo chempionatida qanday o'ynaymiz? Hamma narsa bo'lishi mumkin”