Xususan yarim himoyachi Nurmuhammad Toshpo'latov ham asosiy tarkibda maydonga tushib, jamoasiga yordam bermoqda. Superliganing 9-turi doirasida “Olimpik”ga qarshi o'yinda ham ajoyib harakatlari maydonda boshqalarga qaraganda ajralib turdi. “Olimpik”ga qarshi bahsdan keyin Toshpo'latov fikrlariga quloq tutdik.

“O'yindan keyingi taassurotlarimiz ajoyib. Muhimi g'alaba qozonishga muvaffaq bo'ldik. Bizga g'alaba juda zarur edi. Mazkur bahsda yutuqni qo'lga kiritmasak bo'lmasdi. Shu sababli o'yinga astoydil tayyorlargarlik ko'rdik.

Murabbiylar bergan ko'rsatmalarni to'liq bajardik va jamoaviy yaxshi o'yin namoyish qildik. “Lokomotiv”da yuqori saviyadagi o'yinchilar ko'pchilikni tashkil qiladi. Ular “Olimpik”ga qarshi bahsda o'zlarini ko'rsata olishdi.

Bilasiz “Lokomotiv”da ajoyib o'yinchilar yig'ilgan. Men o'ynaydigan poziciyada ham Kaxi Maxaradze, G'ulomHaydar G'ulomov, Islom Rashidxonov va Sanjar Qodirqulov kabi yuqori darajadagi futbolchilar yig'ilgan. Ular oldida to'p tepib, o'zimga katta tajriba olmoqdaman", - dedi Toshpo'latov.

Nurmuhammad Toshpo'latov: “Muhimi g'alaba qozondik”