"Ньюкасл" ҳужумчи Александер Исакни "Арсенал"га сотишдан бош тортди. Бу ҳақда клубдаги манбаларга таяниб, "The Telegraph" нашри хабар берди.

Оммавий ахборот воситалари келтирган 90 миллион фунт стерлинглик миқдор "Ньюкасл" томонидан аҳамиятсиз ҳисобланган. "Ҳаккалар" музокараларни бошлаш учун бу миқдорни икки баравар ошириш керак деб ҳисоблайди.

Швециялик футболчи клубнинг узоқ муддатли режаларининг бир қисми, шунинг учун "Ньюкасл" уни сотмоқчи эмас. Томонлар ўртасидаги келишув яна 4 йилга мўлжалланган, бироқ "ҳаккалар" футболчига янги шартнома таклиф қилишган.

Исак 2022 йилдан бери "Ньюкасл"да тўп тепади. 24 ёшли ҳужумчи АПЛнинг ўтган мавсумида 30 та ўйин ўтказиб, 21 та гол урган.

"Ньюкасл" ҳужумчисини "Арсенал"га сотишни истамади