AS nashrining xabariga ko'ra, klub prezidenti Florentino Peres va bosh murabbiy Zayniddin Zidan birgalikda yozda uelslik futbolchini sotishga qaror qilgan. Mavsum yakuniga qadar Beylning o'yini sezilarli o'sishga erishsa ham, qaror o'zgarmaydi, deya ispan nashri malumot bermoqda.

"Real" yozgi transferlar oynasi ochiq paytida jamoani kuchaytirishni maqsad qilgan. Buning uchun avval, Garet Beylni sotish evaziga yaxshigina summa ishlab olmoqchi ekani ko'rinmoqda.

29 yoshli vinger 2013 yil yozda "qirollik klubi" bilan shartnoma imzolagan. O'shanda Garet 101 million evro evaziga Londonning "Tottenxem" jamoasidan kelgandi. Uning amaldagi shartnomasi 2022 yil yozga qadar mo'ljallangan.

Joriy mavsum Beyl LaLiganing 22 uchrashuvida 8 ta gol urib, 2 marta golli uzatmani amalga oshirdi.

OAV: "Real" yozda Beyl bilan xayrlashadi