“Ал Насср” ва “Персеполис” ўртасида кечган беллашувнинг асосий вақтида 1:1 ҳисобида дуранг қайд этилди. 36-дақиқада саудияликлар футболчиси Абдераззақ Ҳамдаллаҳ пенальтини аниқ амалга ошириб ҳисобни очган бўлса, бироз ўтиб эронликлар форварди Меҳди Абди Қара натижани тенглаштирди.

Экстра таймларда ҳам 1:1 натижаси ўзгармади. Айтиш жоиз, 104-дақиқада “Персеполис” аъзоси Эҳсон Паҳлавон рақибга қўполлик ишлатгани учун иккинчи сариқ карточкани олди ва майдондан четлатилди. Ўзига хос футбол лотереясида эса "Персеполис" омадли чиқди. Шу тариқа, Яҳё Гулмуҳаммади шогирдлар ОЧЛ жорий мавсумининг илк финалчисига айланди.

“Ал Насср” (С.Арабистони) – “Персеполис” (Эрон) 1:1 (1:1, 0:0, 0:0, 0:0)
Голлар: Ҳамдаллаҳ (п) 36, Абди Қара 42
Пеналтилар серияси: 3-5
Шайх Жассим бин Ҳамад номидаги стадион
“Ал Насср” – Жонс, С.Ал-Ғанам, Майкон, Маду, Хамис, Ал-Ҳайбари, Ал-Сулайхим, Асири, Мартинес, К.Ал-Ғаннам. Хамдалла
“Персеполис – Лак, Агаи, Ҳалилзадех, Канаани, Немати, Камябиния, Нуроллаҳи, Расан, Б.Амири, Э.Паҳлавон, Абди
Четлатиш: Эҳсон Паҳлавон (104)

ОЧЛ. 1/2 финал. “Ал Насср” – “Персеполис” баҳси ғолиби пенальтилар сериясида аниқланди