Qura tashlash marosimi Toshkent vaqti bilan soat 13:30da boshlanadi.

2018 yilgi O'zbekiston chempioni yangi mavsum Osiyo chempionlar ligasida "B" guruhidan joy oladi. Ushbu guruhda Saudiya Arabistoni va BAA klublari bo'lishi aniq. So'nggi jamoa pley-offdan so'ng malum bo'ladi.

O'zbekiston vice-chempioni bo'lgan klub Iroqning "Eyr Fors" va BAAning "Al Nasr" klublarini mag'lub eta olsa "D" kvartetidan joy oladi. Bu guruhda Eron, Qatar va Saudiya Arabistoni klublari bor.

Nihoyat, O'zbekiston kubogi sohibi AGMK klubi agar "Istiqlol" (Tojikiston) va "Al Nassr" (Saudiya Arabistoni) klublarini mag'lub etsa "A" guruhida o'ynaydi. Ushbu guruhda BAA va Iroq klublari bo'lishi aniq. Yana bir jamoa nomi pley-off bosqichidan so'ng malum bo'ladi.

G'arb mintaqasida guruh bosqichida o'ynaydigan klublar ro'yxati:

BAA - "Al Ayn", "Al Vahda", "Al Vasl"
Saudiya Arabistoni - "Al Hilol", "Al Ittihod", "Al Ahli"
Qatar - "Al Duhail", "Al Sadd"
Eron - "Persepolis", "Istiqlol"
O'zbekiston - chempion jamoa
Iroq - "Al Zavra"

Hozircha saralash bosqichi taqvimi tayyor. Faqat qaysidir klub licenziyalashdan o'ta olmasa taqvim o'zgarishi mumkin.

OCHL-2019 saralashi

Birinchi bosqich
5 fevral
"Al Vihdat" (Iordaniya) - "Kuvayt SK" (Kuvayt)

Ikkinchi bosqich
12 fevral
O'zbekiston vice-chempioni - "Eyr Fors" (Iroq)
AGMK (O'zbekiston) - "Istiqlol" (Tojikiston)
"Saypa" (Eron) - "Minerva Punjab" (Hindiston)
"Zob Ohan" (Eron) - "Al Vihdat" (Iordaniya) yoki "Kuvayt SK" (Kuvayt)

Pley-off bosqichi
19 fevral
"Al Nasr" (BAA) - O'zbekiston vice-chempioni yoki "Eyr Fors" (Iroq)
"Al Nassr" (Saudiya Arabistoni) - AGMK (O'zbekiston) yoki "Istiqlol" (Tojikiston)
"Ar Rayyan" (Qatar) - "Saypa" (Eron) yoki "Minerva Punjab" (Hindiston)
"Al Garafa" (Qatar) - "Zob Ohan" (Eron) yoki "Al Vihdat" (Iordaniya) yoki "Kuvayt SK" (Kuvayt)

OCHL-2019. Bugun guruh bosqichiga qura tashlanadi