O'yindan keyingi matbuot anjumanida yaponlar bosh murabbiyi Takafumi Xori quyidagi fikrlarni bildirdi:

- "Safarda 1:1 o'ynash yaxshi natija, hali oldinda javob bahsi bor va Saytamada butunlay boshqacha o'yin guvohi bo'lamiz. "Al Hilol" o'z maydonida kuchli o'yin namoyish etadi, lekin biz ularning qarshiligini engib o'ta oldik".

- "Javob bahsida imkoniyat ko'proq biz tomonda bo'ladi deb o'ylayman. Birinchi o'yinda himoyaviy o'ynadik deb aytolmayman, lekin bunday katta o'yinlarda himoyani o'ylamasdan o'ynab bo'lmaydi".

"Al Hilol" bosh murabbiyi Ramon Diaz esa o'yindan keyin shunday dedi:

- "Biz o'yinni birmuncha sekin boshladik va kutilmaganda tezkor gol o'tkazib yubordik. Lekin shogirdlarimning harakatidan qoniqdim. Javob bahsida faqat g'alaba uchun maydonga tushamiz, endi Yaponiyada gol urishimiz shart. Hakamning final hushtagi yangramaguncha kurash davom etadi".

- "Agar bugun xavfli vaziyatlar sodir etmaganimizda bu meni xavotirga solardi. Chunki futbolda vaziyat yarata olmaslik, jamoang o'ynamayotganini ko'rsatadi. Saudiyalik muxlislarga aytadigan gapim: xavotir olmanglar, hammasi yaxshi bo'ladi".

Eslatib o'tamiz, finalning ikkinchi o'yini 25 noyabr kuni Yaponiyaning Saytama shahrida o'tkaziladi.

OCHL birinchi finalidan keyin murabbiylar fikr bildirishdi