Ularnig birinchisi Yaponiyada "Kashiva Reysol" va Xitoyning "Guanchjou Evergrand" klublari o'rtasida bo'lib o'tdi.

Braziliyalik Luiz Felipe Skolari boshqarayotgan "Guanchjou" safardan g'alaba bilan qaytdi. 5-daqiqada Suzuki avtogol qayd etdi. 40-daqiqada Paulino ikkinchi bor mezbonlar darvozasini ishg'ol qildi. Gao Lin tomonidan urilgan gol yaponlarni butkul karaxt ahvolga solib qo'ydi. Bahs so'nggida Kudo "Kashiva"ning yagona javob to'pini kiritishga erishdi - 1:3.

Javob bahsi 15 sentyabr kuni Xitoyda bo'lib o'tadi.

"Kashiva Reysol" - "Guanchjou Evergrand" 1:3
Bosh hakam: Fahad Al Mirdasi (Saudiya Arabistoni)
Gollar: Kudo 89 - Suzuki 5 avtogol, Paulino 40, Gao Lin 58.
"Kashiva Reysol" - Sugeno, Kim Chan Su, Fujita (Imai, 83), Suzuki, Dudu, Nakayama (Otsu, 79), Taketomi, Barada, Kobayashi (Ederson, 62), Kudo, Kristiano.
"Guanchjou Evergrand" - Zeng Cheng, Feng Ksiaoting, Kim Yong Gvon, Linpng Zang, Jeng Ji, Xuang Boven, Zeng Long (Rong Xao, 87), Zou Zeng, Paulino, Gao Lin (YU Xanchao, 71), Rikardo Goulart (Liu Jian, 90+3)

Ikkinch bahs Ar Riyod shahrida bo'lib o'tdi. Unda "Al Hilol" Qatarning "Lahviya" klubini qabul qildi. Unda maydon egalari yirik hisobda zafar quchishdi.

Javob uchrashuvi 15 sentyabr kuni Qatarda bo'lib o'tadi.

"Al Hilol" - "Lahviya" 4:1
Bosh hakam: Benjamin Uilyams (Avstraliya)
Gollar: Ailton Almeyda 11, Xolid Al Kabi 33, Karlos Eduardo 36, 85 - Yusuf Msakni 17.
"Al Hilol" - Xolid Sharahili, Digao, Kvak Tae Xvi, muhammad Jahfali, Yosir Al Shahrani, Muhammad Al Burayk, Karlos Eduardo (Muhammad Al Shlhub, 86), Salman Al Faraj, Salim Al Davsari (Faisal Darvish, 81), Ailton Almeyda, Xolid Al Kabi (Navaf Al Abid, 68)
"Lahviya" - Lekomt Addani, Dame Traore, Chiko Flores, Ahmad Al Sayid, Nam Tae Xvi, Xolid Mufta, Karim Budiaf, Luiz Seara (Ismoil Muhammad, 67), Yusuf Msakni, Muhammad Tresor (Muhammad Musa, 81), Muhammad Muntari (Muhammad Razoq, 67).

Bugun chorak finalning yana ikki uchrashuvi bo'lib o'tadi. Janubiy Koreyaning "Chonbuk Motors" klubi o'z uyida Yaponiyaning "Gamba Osaka" klubini qabul qiladi. Tehronda "Naft" BAAnig "Al Ahli" klubi bilan o'ynaydi.

OCHL. Chorak final. "Guanchjou Evergrand" va "Al Hilol" dastlabki o'yinda g'olib