ОЧЛ 3-туридан ўрин олган ушбу беллашув 18:30да старт олади.

ОЧЛ-2018
"С" гуруҳи, 3-тур
"Марказий" стадион, Қарши
05.03.2018. 18:30

"Насаф" (Ўзбекистон) – "Ал Садд" (Қатар)

"Насаф"нинг бугунги ўйинига ўзимизнинг тахминий таркибимизни бериб ўтамиз. Демак, Рўзиқул Бердиев бугун "Ал Васл"га қарши ўйнаган таркибни қўйишини тахмин қилаяпмиз.

Қаршиликлар бугун 4-2-3-1 схемасида майдонга тушишлари эҳтимоли катта. Бунда, Ҳамробеков ҳақиқий таянч ярим ҳимоячиси вазифасини бажарса, Ғаниев марказга яқин ўйнайди ва ҳужумларни ривожлантирувчи бўлади. Қанотларда вингерлик Ҳасанов ва Кенжабоев зиммасига тушади. Черан ҳужумчи ортида ўйнаса, Абдихолиқов марказий ҳужумчи ролини бажаради. Черан кечагина машғулотларга қайтди ва қай даражада тайёр эканлиги номаълум. Лекин, бугун Драган майдонга тушса керак.

Шунингдек, рақибнинг ҳужум чизиғи кучли эканлигини инобатга олиб Рўзиқул Бердиев бугун 3та марказий ҳимоячи билан ҳам ўйнаши мумкин. Лекин, "Насаф" ўз майдонида тўп тепишини инобатга олган ҳолда юқоридаги таркиб ва схемани тахмин қилдик.

"Насаф"нинг тахминий таркиби: Санжар Қувватов - Славко Лукич, Игорь Голбан, Умар Эшмуродов, Сайдулло Раҳматов - Одил Ҳамробеков, Азизжон Ғаниев - Жасур Ҳасанов, Ислом Кенжабоев, Драган Черан - Бобир Абдихолиқов.

ОЧЛ. "Насаф"нинг тахминий таркиби