12 fevral kuni jami 8ta o'yin o'tkaziladi. Bitta o'yindan iborat bahsda g'olib chiqqan jamoalar 19 fevral kuni bo'lib o'tadigan OCHL pley-off yo'llanmasini qo'lga kiritishadi. O'tgan mavsum Suprerligada ikkinchi o'rinni qo'lga kiritgan "Paxtakor" o'z maydonida Iroqning "Eyr Fors" klubini qabul qiladi.

"Paxtakor"
"Paxtakor" bu mavsum o'z tarixida 15-bor OCHLda ishtirok etadi. Bu jamoa 2002/2003 hamda 2004 yilgi mavsumlarda yarim finalga qadar etib borgan. "Paxtakor" o'zbek futbolining bayroqdor jamoalaridan biri. Raqib ham Iroq tarixidagi eng nomdor klublardan hisoblanadi.

Jamoaning OCHLdagi ishtiroki:
2002/2003 - yarim final
2004 - yarim final
2005 - guruh bosqichi
2006 - guruh bosqichi
2007 - guruh bosqichi
2008 - guruh bosqichi
2009 - chorak final
2010 - 1/8 final
2011 - guruh bosqichi
2012 - guruh bosqichi
2013 - guruh bosqichi
2015 - guruh bosqichi
2016 - guruh bosqichi
2018 - pley-off

"Eyr Fors"
"Eyr Fors" klubining ikki xil nomi bor. Bu jamoani "Al Quva Al Javiya" deb ham atashadi. "Eyr Fors" o'z tarixida to'rtinchi marta OCHLda ishtirok etyapti. O'tgan mavsum Iroq chempionatida ikkinchi o'rinni egallashi sababli OCHLga yo'llanma oldi. Jamoa bungacha guruhdan chiqa olmagan, ammo OFK kubogining oxirgi uch yildagi g'olibi hisoblanadi.

Jamoaning OCHLdagi ishtiroki:
2004 - guruh bosqichi
2006 - guruh bosqichi
2008 - guruh bosqichi

OCHL prevyusi. "Paxtakor" (O'zbekiston) - "Eyr Fors" (Iroq)