O'FA futbol faoliyatini nazorat qilish maxsus inspekciyasi O'zbekiston Superliga va Pro Liga uchrashuvlarida korrupcion holatlar, yani bir qator futbol o'yinlarida uchrashuvga yoki uning natijasiga tasir o'tkazish maqsadida kelishuvlarda qatnashgan futbol hakamlari va kelishilgan o'yinlarda qatnashgan shaxslarni aniqlash bo'yicha say-harakatlarni davom ettirmoqda.

O'FA Etika qo'mitasining navbatdagi yig'ilishida O'FA hakami O.To'ychiboev bo'yicha aniqlangan holatlar ko'rib chiqildi.

Qo'mita tomonidan O.To'ychiboev O'FA intizom kodeksining 5.44. bandiga asosan bir qator futbol uchrashuvlarida uchrashuvga yoki uning natijasiga tasir o'tkazish maqsadida kelishuvlarda qatnashgani uchun 1 (bir) yil muddatga futbol bilan bog'liq har qanday faoliyatdan chetlashtirish xususidagi qaror qabul qilindi.

Yuqoridagi aniqlangan holatlarda “Dinamo” PFK vakillarining ishtiroki ham aniqlanib, ularga nisbatan tegishli jazo choralari qo'llanildi.

Shuningdek, mazkur yig'ilish qarori bilan Buxoro viloyati 2-liga musobaqasi ishtirokchisi “Olot Istiqlol” futbolchisi N.Xasanov “Buxoro-W” ayollar futbol klubi vakillarining ko'rsatmalariga asosan ularni haq evaziga totalizatorda ishtirok etishga undagani uchun O'FA intizom kodeksining 5.44., 5.53. va 5.60. bandlariga asosan bir yil muddatga futbol bilan bog'liq har qanday faoliyatdan chetlashtirildi.

Mazkur qarorlar O'FA tomonidan rasmiy tarzda elon qilingan kundan boshlab kuchga kiradi.

O'FA yana bir hakam, "Dinamo" klubi vakillari va “Olot Istiqlol” futbolchisini jazoladi