Unda O'FA rahbariyati, ayollar futboli murabbiylari va qo'mita azolari ishtirok etdi.
Yig'ilish avvalida mamlakatimizda keyingi yillarda ayollar sporti, xususan, futbolga berilayotgan etibor etirof etildi. O'FA tomonidan ham ayollar futbolini rivojlantirish, ushbu yo'nalishdagi mavjud sharoit va kamchiliklarni o'rganib borish hamda uni bartaraf etish maqsadida ayollar qo'mitasi tashkil etilganligi qayd etildi.
O'FA birinchi vice-prezidenti Ravshan Ermatov tahlillar yurtimizda ayollar futboli bo'yicha murabbiy, shifokor va psixolog kabi mutaxassislar kam ekanligini ko'rsatganligini, bu borada O'FA ayollar murabbiylarini barcha turdagi licenziyaga bepul o'qitish tizimini yo'lga qo'yganligini aytib o'tdi.
Shuningdek, bu yildan boshlab klublar smetasini tasdiqlashda ayollar futbolini rivojlantirishga, xususan jamoalarning tashkiliy ishlari, ekipirovka, ovqatlanish va vitaminizaciyasiga qancha mablag' ajratilishi ham etiborga olinayotganini takidlandi.
Ayollar milliy terma jamoamizga tajribali mutaxassis Midori Honda jalb etilishi ortidan futbolimizga yapon mentalitetiga xos professionallik, talabchanlik, qatiyat va intizom kabi xarakterlarni shakllantirish maqsad qilingani aytildi. O'z o'rnida Midori Honda ham Yaponiyada ayollar futbolini rivojlantirish avvalo nimadan boshlangani haqidagi savollarga javob berdi va o'zining tajribalari bilan bo'lishdi.
Yig'ilishda shuningdek, murabbiylar ham bir qator masalalar yuzasidan o'zlarining takliflarini bildirib o'tdilar. O'FA rahbariyati mavjud masalalarni o'rganib chiqilishi va muammolarga echim berilishini takidladi. Masullarga xalqaro tajribalarni o'rgangan holda ayollar futbolini rivojlantirishning yo'l xaritasini tuzish bo'yicha ko'rsatma berildi.
Izohlar