O'FF tomonidan tayyorlangan hisobot jurnalida turli holatlar bo'yicha qilingan ishlar keltirib o'tilgan. Jumladan, O'FFning 2006 yildan 2013 yil yakuniga qadar daromad va xarajatlari aniq raqamlarda keltirilgan.

Bizda futbol ichida, ayniqsa klublarda bunday raqamlar ommadan sir tutiladi. Buning sababi nimada ekanligini bilmaymiz. Chunki klublar OFK talabiga ko'ra, audit tekshiruvidan o'tishlari shart. Buni esa keyin elon qilish kerak. Biroq bizda biror klubdan bu haqida malumot olishning imkoniyati yo'q. Vaholanki, ular hukumat tomonidan ajratilgan mablag' hisobiga faoliyat yuritishadi, shu sababli pul qanday ishlatilgani haqida malumotni so'ralgan taqdirda OAV ixtiyoriga havola qilishlari lozim. O'FF bu borada barchaga o'rnak bo'lib, 8 yillik daromad va xarajat miqdorini o'sha jurnalda batafsil yoritgan.

Demak, O'FFning 2006-2013 yillarda topgan daromadi va qilgan xarajatlari bilan tanishib oling.

Daromad (so'mda)
Homiylar - 57 mlrd 216 mln 700 ming
O'FF va Fonddan yordam - 70 mln
Realizaciya (chiptalar, ofis ijarasi, depozitdan foizlar) - 43 mlrd 252 mln 200 ming
Kelajak fondidan dividentlar - 189 mln
Klublardan badallar - 8 mlrd 678 mln 700 ming
Maqsadli (valyutada) - 18 mlrd 858 mln
Madaniyat va Sport ishlari Vazirligidan - 3 mlrd 272 mln 600 ming
Ustav kapitali - 961 mln 900 ming
Jami: 132 mlrd 499 mln so'm

Ko'rib turganingizdek, o'tgan 8 yil mobaynida turli manbalardan olingan daromad 132 milliard so'mdan ko'proqni tashkil qilgan.

Xarajat (so'mda)
Mamuriy xarajatlar - 17 mlrd 501 mln 800 ming
Maoshlar va hakamlarga to'lovlar - 5 mlrd 666 mln 100 ming
Viloyat fondlariga maoshlar - 657 mln 500 ming
Qurilish - 22 mlrd 420 mln 45 ming
Terma jamoalar - 41 mlrd 239 mln 800 ming
Seminar va o'qishlar - 348 mln 800 ming
Ommaviy futbol va sovrinlar, klublar uchun to'plar - 522 mln 700 ming
Ishlab chiqarish va dividentlarga xarajatlar - 32 mlrd 90 million
Qo'l ostidagi uyushmalarga ustav kapitali - 270 mln 300 ming

Jami: 120 mlrd 717 mln 600 ming

O'FF hisobida qolgan mablag': 12 mlrd 181 mln 700 ming

Xarajatlar miqdori esa daromaddan ortib ketmagan. 8 yillik yakunlariga ko'ra, O'FF hisob raqamida 12 milliard so'mdan oshiq mablag'ni jamg'argan.

Murabbiylar tayyorlash, ularning malakasini oshirish ham hozirga kelib asosiy masalalardan biriga aylanib ulgurgan. 2006 yildan buyon O'FF OFK bilan hamkorlikda murabbiylarning xalqaro kurslarini o'tkazib kelmoqda. “S”, “V”, “A” hamda “Pro” licenziyasi uchun o'tkazilayotgan kurslarda nafaqat yurtimiz, balki xorijdan bo'lgan mutaxassislar ham tahsil olishni boshlab yuborishgan. 8 yil davomida jami 68 bor murabbiylik kurslari bo'lib o'tgan. 47 marta “S”, 12 bor “V”, 6 marta “A” va 3 bor “Pro” licenziyasi uchun o'qish tashkil etilgan. O'sha kurslarda 1699 nafar mutaxassis ishtirok etib, licenziyalarni qo'lga kiritgan. Barcha kurslarda o'qigan murabbiylar ham mavjud. Ularda murabbiylarga asosan Evropadan kelgan mutaxassislar talim berib kelishyapti.

O'FF qoshida ochilgan “Futbol MED” korxonasida esa hozirda oliy va birinchi ligada ishtirok etuvchi barcha jamoalar tibbiy ko'rikdan o'tishlari shart etib qo'yilgan. Dastlab bu ko'pchilikka yoqmagandi, biroq ayni paytda jamoalar buning foydali ekanligini bilib olishdi. Yil mobaynida futbolchilardagi o'zgarishlar to'liq holda qayd etib boriladi. Futbolchilarda stomatologik va yurak bilan bog'liq kasalliklar ushbu korxona vrachlari tomonidan ko'p bor qayd etilganini kuzatdik. Davolanishdan keyingina ularga futbol o'ynashga ruxsat berildi. Bu ham “Futbol MED”ning nomiga ish yuritmayotganini isbotlaydi. Bu erda tibbiy ko'rikdan o'tgan soni quyidagicha:

N	Bo'limlar	2011	2012	2013	Umumiy
1.	Oliy liga klublari	1240	1542	1431	4213
2.	Birinchi liga klublari	1105	1286	1258	3649
3.	Terma jamoalar	97	134	244	475
4.	Murabbiylar kurslarda	80	104	124	308
5.	Hakamlar	218	304	288	810
6.	Nazoratchilar	81	82	88	251
7.	Akademiyalar	120	120	302	542
8.	Ayollar jamoalari	-	40	682	722
9.	Boshqa sport turlari	40	80	102	222
10.	Mini-futbol	-	19	35	54
11.	Murabbiylar va jamoa rahbarlari	210	260	330	800
Jami		3191	3971	4884	12046

Futbolimizda yangi 4 yillik davrga qadam qo'yish arafasida turibmiz. Umid qilamizki, biz keyingi hisobot paytida faqat g'alaba va muvaffaqiyatlardan so'z ochamiz.

Behzod NAZAROV.

O'FF: Daromad va xarajatlar aniq raqamlarda