O'zbekistonlik FIFA referisi Ravshan Ermatov ham tashkilotchilar tomonidan ushbu seminarlarga taklif etildi. U milliy terma jamoalar murabbiylariga o'zining yirik xalqaro musobaqalarda orttirgan tajribasi haqida so'zlab, ishtirokchilar uchun foydali malumotlar bilan o'rtoqlashdi. Ermatovning ushbu konferenciyada ishtiroki uchun Osiyo Futbol Konfederaciyasi O'zbekiston Futbol Federaciyasiga minnatdorchilik xati yubordi.

"Biz Malayziya poytaxti - Kuala-Lumpur shahrida yaqinda tashkil etganimiz tadbirdagi ishtiroki uchun janob Ravshan Ermatovga o'zimizning samimiy minnatdorchiligimizni bildiramiz. Janob Ermatov ishtirokidagi foydali malumotlarga boy bo'lgan seminar, o'ylaymizki, juda muvaffaqiyatli o'tdi. Ishtirokchilar uchun ushbu malumot almashinuvi ulkan darajada manfaatli bo'ldi. Biz Osiyo qitasida futbolning rivojlanishi yo'lida kelajakda ham hamkorlikni davom ettirishni maqsad qilganmiz", - deyiladi OFK tomonidan yuborilgan xatda.

Shuni ham qo'shimcha qilish kerakki, O'zbekiston Futbol Federaciyasi OFK tomonidan Osiyoda hakamlarni etkazib berish va hakamlikning rivojlantirish ishlarida etakchilardan biri sifatida etirof etiladi. Avgust oyida bo'lib o'tgan hakamlik borasidagi savollar yuzasidan OFK tomonidan tashkil etilgan majlisga O'FF hakamlar departamenti boshlig'i Noil Lutfullin taklif etilishida ham shunday etirof yana bir bor takidlangan edi.

O'FF hakamlar departamenti OFK tomonidan Osiyoda etakchilardan biri sifatida etirof etildi