Гуруҳда пешқадамлик қилаётган Ўзбекистон миллий терма жамоаси охирги ўйинни мусобақа мезбонлари – Қирғизистон терма жамоасига қарши ўтказади.

Ўзбекистон футзал федерацияси президенти Бекзод Маматқулов, 2026-йил Индонезияда бўлиб ўтадиган Осиё кубоги саралаш мусобақасининг охирги тури олдидан Бишкек шаҳрига етиб келди ва терма жамоа ўйинчилари билан учрашди.

"Сизларнинг ҳар бир ҳаракатингиз Ўзбекистон номи билан боғланган. Биз барча шароитларни яратган ҳолда, юксак натижаларга эришиш учун биргаликда ишлашимиз керак. Қирғизистон терма жамоасига қарши ўйин – бу биз учун муҳим синов, шундай экан, ҳар бирингиз майдонда сўнгги дақиқагача бор куч ва маҳоратларингизни ишга солишингиз, курашишингиз лозим" — деди ЎФФ раҳбари.

Ушбу учрашув терма жамоа ўйинчиларнинг руҳиятини баланд сақлаш, сўнгги ўйин олдидаги мотивациясини кучайтириш борасида жуда муҳим аҳамият касб этди.

ЎФФ президенти Миллий терма жамоа ўйинчилари билан учрашди