Бу ҳақда ЎФФ матбуот хизмати хабар берди. Шу пайтгача халқаро бўлим бошлиғи сифатида ишлаб келган Александр Давиденко ва унинг ёрдамчиси Шерзод Эгамбердиевлар ўз лавозимидан озод этилди. Қайд этиб ўтиш жоиз, Шерзод Эгамбердиев ўзининг фейсбукдаги саҳифасида ёзган постлари сабаб кескин танқидларга учраган эди. Масалан, Самвел Бабаян бошчилигидаги мураббийлар штабига ҳайкал қўйиш керакли ҳақида ёзган, шунингдек журналистларни "қишлоқи" деб атаган ҳам айнан у бўлади. Тўғри, кейинчалик ўша пости учун расман узр сўраган.

Халқаро алоқалар бошқармаси сифатида янги ташкил қилинган структурага Олим Арифов раҳбарлик қиладиган бўлди.

Маълумот учун: Олим Арифов 1987 йилда Тошкентда туғилган. Ўзбекистон Давлат Жаҳон Тиллари Университетини тамомлаган. Ўзбекистон Футбол Федерациясида 10 йил давомида турли лавозимларда ишлаган. Инглиз, рус ва ўзбек тилларида эркин сўзлаша олади.

Олим Арифовнинг ёрдамчиси сифатида турли ташкилотлар, шу жумладан спорт федерацияларида ишлаб келган Диёр Исомиддинов иш бошлади.

Ҳозирги кунда халқаро алоқалар бошқармасининг бошқа лавозимларига ҳам янги номзодлар кўриб чиқилмоқда.

ЎФФда кўпчилик кутган яна бир истеъфо