Gap shundaki, "Persepolis"da avvalgi murabbiy Branko Ivankovichdan qarzdorlik bo'lishiga qaramay, klub yangi futbolchilar bilan shartnoma imzolagan. Biroq FIFA klubga nisbatan toki qarzdorlik bartaraf etilmaguncha transfer bilan shug'ullanishni taqiqlab qo'ygandi.

FIFA "Persepolis"ga nisbatan 6 avgust kuni qaror chiqarib, 12 avgust kuni bu haqda rasman klubni xabardor qilgan. Qarorda agar 12 sentyabrgacha qarz uzilmasa yangi o'yinchilar bilan shartnoma imzolash mumkin emasligi aytilgan. Tehron klubi esa ungacha, aniqrog'i 8 sentyabrga qadar futbolchilar bilan shartnoma tuzib bo'lgan, yani 12 sentyabrdan so'ng o'z safiga hech kimni qo'shib olgani yo'q.

Shunga qaramay, Saudiya Arabistoni klubi "Al Nassr" OCHL yarim finalida mag'lubiyatga uchraganidan so'ng OFKga shikoyat xati yo'lladi. OFK shikoyatni javobsiz qoldirdi va bu haqda keyinchalik ham hech qanday rasmiy munosabat bildirilmaslikni malum qildi. Demak, o'yin natijasi bekor qilinmaydi va "Persepolis" OCHL finalida o'ynaydi.

OFK "Al Nassr" etirozini inobatga olmadi