Jamoa qo'shnilarga qarshi bellashuvdan so'ng tiklanuvchi mashg'ulotni o'tkazdi. Kunduz kuni bir kun oldin asosiy tarkibda tushmagan o'yinchilar trenajer zalida shug'ullanishdi. Kechqurungi maydonda o'tadigan mashg'ulot esa soat 18:30da boshlandi.

Bugungi mashg'ulot tiklanish uchun o'tkazildi va unda o'yinchilar avval butun maydonni bir necha bor aylanib yugurib chiqishdi. Keyin esa "Xo'jand" qarshi asosiy tarkibda tushmaganlar alohida Ro'ziqul Berdiev boshchiligida to'p bilan shug'ullanishgan bo'lsa, bir kun oldin boshlang'ich tarkibda bo'lganlar (darvozabon Abduvohid Nematov ham) Ilnur Sibagatullin boshchiligida mushaklarni "cho'zish" bilan shug'ullanishdi va o'zaro "kvadrat" o'ynashdi. Bunda o'rtaga ikkita o'yinchi tushdi. Qizig'i, "Oloy" bilan o'yindan keyingi tiklanish mashg'ulotida Marko Stanoevich va Oybek Bozorov oyoqlari orasidan to'pni o'tkazib yuborishgandi. O'shanda Bozorovning "eb qo'ygani" lavhasini ijtimoiy tarmoqlarimizda chop etgandik. Ko'rinishidan Oybek o'sha kun uchun alamini olishga qasd qilgan ekan. Bu safargi tiklanishda Bozorovning o'zi Suhrob Nurulloev va Sherzod Nasrullaevlarni "ochkosidan" oldi. Har ikki vaziyatni videoga olishga uglurdik. "Nasaf"ning mashg'ulotidan lavhani sal turib chop etamiz. Ro'ziqul Berdiev shogirdlarining "Xo'jand"ga qarshi o'yindan keyingi tiklanish mashg'ulotidan suratlarni saytimizning maxsus bo'limi orqali tomosha qilishingiz mumkin. >>>>> FOTOGALEREYA

Tolibjon Qosimov, Dushanbedan maxsus

Ro'ziqul Berdiev shogirdlarining "Xo'jand"ga qarshi o'yindan keyingi tiklanish mashg'ulotidan suratlarni saytimizning maxsus bo'limi orqali tomosha qilishingiz mumkin. >>>>> FOTOGALEREYA

OFK Kubogi-2021. "Nasaf"ning tiklanish mashg'uloti quvnoq kayfiyatda o'tdi GALEREYA