19 noyabr kuni OK-2015 saralashi doirasida 5-tur o'yinlari o'tkaziladi. Mazkur turda Mirjalol Qosimov bosh murabbiyligidagi O'zbekiston milliy terma jamoasi safarda Gongkong terma jamoasiga qarshi maydonga tushadi.

Gongkong terma jamoasi ayni damda, saralashning E guruhida 4 okcho bilan 3-pog'onani egallab turibdi. O'zbekiston terma jamoasi esa, o'tkazilgan 4 tur bahslaridan so'ng o'z hisobidagi ochoklari sonini 7taga etkazib guruhda ikkinchi o'rinni egallab turibdi. Guruh bosqichida o'tkazilgan 4 o'yinning barchasida g'alaba qozongan BAA milliy terma jamoasi 2015 yili Avstraliyada bo'lib o'tadigan Osiyo Kubogi final bosqichi yo'llanmasini qo'lga kiritgan.

Takidlash joiz, Gongkong hamda O'zbekiston terma jamoalari OK-2015 saralash bahslarini 6 fevral kuni Toshkentda o'tkazilgan o'zaro uchrashuv bilan boshlashgan edi. Eslatib o'tamiz, Toshkentdagi uchrashuvda 0:0 hisobidagi durang qayd etilgan edi. 19 noyabr, seshanba kuni mazkur terma jamoalar 40 000 muxlisni o'z bag'riga sig'dira oladigan Gongkong stadionida o'zaro maydonga tushadilar. Mazkur uchrashuvdan oldin har ikkala terma jamoaning mazkur saralash kampaniyasidagi o'yinlari statistikasiga to'xtalib o'tamiz.

GONGKONG MILLIY TERMA JAMOASI
Bosh murabbiy - Kim Pan Gon (Janubiy Koreya)
Terma jamoa safida eng ko'p o'yin o'tkazgan futbolchi - Li Vay Man (68ta o'yin)
Terma jamoa to'purari - Chan Su Ki (34ta gol)

Janubiy Koreyalik mutaxassis Kim Pan Gon bosh murabbiyligidagi Gongkong terma jamoasi ayni damda o'z hisobidagi 4 ochko bilan E guruhida 3-o'rinni eggallab turibdi. Malumot o'rnida, Gongkong terma jamoasi saralash bahslarining ikkinchi turida o'z maydonida Vetnam terma jamoasini 1:0 hisobida mag'lubiyatga uchratgan va bu g'alaba gongkongliklar uchun guruh bosqichidagi yagona g'alabasi bo'lib turibdi. Ushbu uchrashuvda terma jamoa yarim himoyachisi Chay Van Xo tomonidan kiritilgan yagona gol esa, Gongkong terma jamoasining guruh bahslarida kiritgan yagona goli bo'lib turibdi.

Gongkong terma jamoasining eng yaxshi to'purari - Chan Su Ki ayni damda terma jamoa sardori va terma safida hozirgacha o'ynayotgan futbolchilar ichida eng ko'p o'yin o'tkazgan futbolchi sanaladi. Gongkong terma jamoasi safida O'zbekistonga qarshi o'yinda maydonga tushishi mumkin bo'lgan futbolchilar orasida asli Ganada tug'ilgan, ammo 2012 yildan buyon Gongkong terma jamoasi safida to'p surib kelayotgan Godfrid Karikari ham bor. 15 noyabr kuni safarda BAA milliy terma jamoasiga qarshi maydonga tushgan futbolchi, 19 noyabr kuni O'zbekistonga qarshi uchrashuvda terma jamoa safidagi 5-uchrashuvida maydonga tushishi mumkin.

O'ZBEKISTON MILLIY TERMA JAMOASI
Bosh murabbiy - Mirjalol Qosimov.
Terma jamoa safida eng ko'p o'yin o'tkazgan futbolchi - Temur Kapadze (109)
Terma jamoa to'purari - Maksim Shackix (34ta gol)

O'zbekiston milliy terma jamoasi bosh murabbiyi Mirjalol Qosimov 15 noyabr kuni Vetnamga qarshi o'yinda tarkibga jalb etilgan 22 nafar futbolchidan 15tasini maydonga tushirdi. Etiborlisi, milliy terma jamoa safida debyut uchrashuvini o'tkazgan Buxoro klubi hujumchisi Vohid Shodiev Vetnamga qarshi uchrashuvda ilk golga mualliflik qildi va o'z debyutida gol urishga erishga oldi.

Takidlash joiz, Metallurg hujumchisi Shahzod Nurmatov hamda Bunyodkor yarim himoyachisi Dilshod Jo'raev ham 19 noyabr kuni terma safida debyut uchrashuvini o'tkazish imkoniyatga ega.

Malumot o'rnida, ayni damda terma jamoa safida eng ko'p to'p surgan futbolchi - Temur Kapadze jarohati bois, Gongkongga qarshi uchrashuvni o'tkazib yubormoqda. Milliy terma jamoa sardori Server Jeparov esa, 19 noyabr kuni maydonga tushirilsa bu uning terma jamoa safidagi 99-uchrashuvi bo'ladi. Milliy terma jamoa safida 50 va undan ortiq uchrashuvda maydonga tushgan futbolchilar qatorida Anzur Ismoilov (52), Aziz Haydarov (53) hamda Odil Ahmedovlar (55) bugun maydonga tushib o'z statistikasini yaxshilab olish imkoniyatiga ega.

Eslatib o'tamiz, Gongkong hamda O'zbekiston milliy terma jamoalari o'rtasidagi uchrashuvni Navof Shukrulla boshchiligidagi bahraynlik hakamlar brigadasi boshqarib boradi. O'yin 19 noyabr, seshanba kuni Gongkong stadionida soat 17:00da boshlanadi.

OK-2015. Saralashi, E guruhi. 5-tur
19 noyabr. Gongkong Gongkong stadioni.
Bosh hakam: Navof Shukrulla (Bahrayn)
Qanot hakamlari: Yosir Halil Ibrohim (Bahrayn), Ibrohim Muborak Musa (Bahrayn)
Zahira hakami: Jamil Juma (Bahrayn)
Komissar: Abdul G'ofur Abdul Hamid (Maldiv orollari)

4-TUR O'YINLARIDAN SO'NGOK-2015, SARALASH, E guruhidagi vaziyat

#	Jamoa	O'	YU	D	M	T-N	O
1	BAA	4	4	0	0	12-2	12
2	O'zbekiston	4	2	1	1	7-3	7
3	Gongkong	4	1	1	2	1-8	4
4	Vetnam	4	0	0	4	2-9	0

OK-2015 saralashi, 5-tur: Gongkong - O'zbekiston (prevyu)