"Bunyodkor"ga ayni paytda g'alaba zarur, boz ustiga jamoa 9ta o'yindan beri uch ochko nimaligini bilmayapti. "Bunyodkor" stadioni tribunalari ham g'alabani sog'inib qolgan. Jamoalarning Toshkentdagi o'yinlari tarixiga nazar soladigan bo'lsak, 2018 yilgacha "Bunyodkor" o'z maydonida olmaliqliklarga mag'lub bo'lmaganini ko'rishimiz mumkin. Bu xodisa 2018 yil 28 sentyabr kuni O'zbekiston kubogi yarim final doirasida o'tkazilgan. Baxtiyor Ashurmatov boshchiligidagi OKMK o'sha yili o'z tarixida ilk bor Toshkentda "Bunyodkor"dan 3 ochko tortib olishga erishgandi. Finalda esa juda kuchli "Paxtakor" taslim qilingan. "Qaldirg'ochlar" yarim finalgacha "So'g'diyona" (1:0), "Andijon" (2:1) to'sig'idan o'tgan bo'lsa, OKMK nisbatan jiddiy qarshilikka duch kelgan 1/8 finalda "Nasaf" musobaqadan chiqarib yuborilgan bo'lsa, 1/4 finalda "Mashal" qiyinchilik bilan yutilgan.

57-daqiqada zaxiradan maydonga tushgan Muzaffar Muzaffarov birinchi zarbasi bilan uzoq masofadan gol urib hisobni ochgan.

63-daqiqada Yovan Jokichning to'p uzatishidan keyin Zafar Polvonov boshi bilan ikkinchi golni urgan. 80-daqiqada Murodjon Toshmatovning goli amalda hech narsani hal qilmagan edi. OKMK esa o'z tarixida ilk bor kubok finaliga chiqqan, Baxtiyor Ashurmatov murabbiy sifatida ilk bor Qosimovni mag'lub etgandi.

O'zbekiston kubogi. Yarim final

28 sentyabr. 18:30

"Bunyodkor" - AGMK 1:2

Hakamlar: Aziz Asimov, Timur Gaynullin, Sanjar Shoyusupov, Sultonmurod Abduraxmonov.

Gollar: Muzaffar Muzaffarov 57, - 0:1. Zafar Polvonov 63, - 0:2. Murodjon Toshmatov 80, - 1:2.

"Bunyodkor": 32. Suhrobjon Sultonov, 2. Rustamjon Ashurmatov, 4. Akramjon Komilov, 5. Dilshod Jo'raev, 8. Javlon Ibrohimov (10. Abdulla Abdullaev, 90+3), 11. Murodjon Toshmatov, 18. Sardor Sobirxo'jaev, 20. Mirg'iyos Sulaymonov (7. Dilshod Ahmadaliev, 46), 30. Xurshid G'iyosov (15. Farrux Ikromov, 79), 44. Mirjamol Qosimov (9. Shahzodbek Nurmatov, 62), 99. Filip Raevac (14. Mirjahon Mirahmadov, )

Zaxira: 25. Murodjon Zuxurov, 3. Islom Qobilov, 13. Sanjar Qodirqulov, 77. Azizbek Haydarov

AGMK: 12. Roman Abdulov, 2. Abduqahhor Hojiakbarov, 6. Azamat Isroilov (72. Alisher Samatov, 90+5), 9. Zafar Polvonov (16. Milosh Trifunovich, 68), 11. Jasur Hasanov (24. Javlon Guseynov, 83), 13. Lutfullo To'raev (s), 14. Zohir Pirimov (71. Jamshid Hasanov, 76), 15. Vladimir Bubanya, 19. Vladislav Kasminin, 23. Yovan Jokich, 70. Oybek Qilichev (8. Muzaffar Muzaffarov, 57)

Zaxira: 46. Xurshid Xodjaev, 10. Shohnazar Norbekov, 17. Kamoliddin Murzoev, 22. Abdumalik Abdullaev,

Ogohlantirishlar: Oybek Qilichev 27, Azamat Isroilov 90+4.

Nazoratchi: Dmitriy Roman.

Komissar: Bahodir Mirzaev.

OKMK tarixga kirgan, Ashurmatov Qosimovni mag'lub etgan uchrashuvni yodga olamiz