- "Юнайтед" ривожланиш босқичида деб кўп гапиряпсиз. Аммо жамоа шунда ҳам бир неча марта ярим финалларга етиб келди. Айтингчи, шуни олиб қарасак, соврин ютиш жамоага қанчалик муҳим?
- Албатта соврин учун барча ҳаракат қилади. Аммо Англия Кубоги, Европа лигаси ва АПЛ - бошқа турнирлар. Уларнинг ҳар бири алоҳида чақирув. Бутун бир йўлни босиб ўтиш эса жамоага ҳақиқий текширув сифатида хизмат қилади.

Ҳа, яхшиланиб боряпмиз, бизда режа бор. Умид қиламанки, шу орқали жамоа янада яхшиланиб бораверади.

Ўтган мавсумда ярим финалларда ютқазганимиз бизни жуда қаттиқ хафа қилди. Биз совринни бошимиз узра баланд кўтаришни истаймиз. Аммо шу билан йўл тугамайди. АПЛ орқали биз яхши жамоа эканлигимизни исботлаб боришимиз лозим.

Финал - доимий тасодиф ҳисобланади. Шундай осон қуръалар бўладики, жамоа фақатгина финалда қийин рақибга дуч келади. Демак, бу турнир бизнинг ривожланишимиз учун жуда муҳим. Охиригача боришга ҳаракат қиламиз, - деди Сульшер.

"Вест Хэм"га қарши ўйин эртага тунда соат 01:00да старт олади.

Оле-Гуннар Сульшер: "Соврин ютишни барча истайди"