O'yindan keyingi matbuot anjumanining birinchi qismida samarqandliklar bosh murabbiyi Oleg Tyulkin ishtirok etdi.

- Qiziqarli o'yin bo'ldi. Qizil kartochka bizning o'yinimizga tasir ko'rsatdi. "Bunyodkor"ni finalga chiqqani bilan tabriklayman. Bizga qaysidir jabhalarda mahorat etishmadi. Muxlislarga o'z minnatdorchiligimni bildiraman.

Istefo? Buni klub rahbariyati hal etadi. Agarda bu jamoa foydasiga ishlasa, men albatta bo'shayman.

Farhod Tojiev? Nega uni doim asosiy tarkibga qo'yaman? Chunki u tajribali va kuchli futbolchi. Hozirda tarkibda undan kuchli futbolchi yo'q. Tojiev kelganidan so'ng gol urolmayotganimizga omad etishmayotgani sabab bo'lmoqda. Men buni boshqacha izohlay olmayman.

Amirjon Safarov to'p uchun kurashayotganda qo'pol o'ynadi. U ataylab raqibga jarohat etkazish uchun bu harakatni amalga oshirmadi, to'p uchun o'ynamoqchi bo'lgan edi.

Oleg Tyulkin: "Tarkibimizda Farhod Tojievdan kuchli futbolchi yo'q"