Олган маълумотларимизга қараганда, футболчи бугун чартер рейс орқали шартнома имзолаш учун бошқа давлатга учиб кетган. Ҳозирда янги жамоа борасида аниқ хабар йўқ. Факт шундаки, 30 ёшли ҳимоячи Осиёнинг кучли мамлакати чемпионатида ўйнаши кутилмоқда. У жамоанинг "Металлург"га қарши ўйин учун қайдномасига ҳам киритилмаган.

Олег Зотеев "Локомотив" таркибида 185 ўйинда 11 бора рақиблари дарвозасини ишғол қилган.

Сўнгги йилларда "Локомотив" ўз футболчиларини легионерга айлантиришда Ўзбекистоннинг энг яхши клубларидан бири бўлиб турибди. Ушбу мавсум арафасида "Локомотив"дан Ислом Тўхтахўжаев Хитойнинг "Шеньянг Урбан", Жамшид Искандеров Жанубий Кореянинг "Сеонгнам", Остон Ўрунов Россиянинг "Уфа" ҳамда Сардор Мирзаев Таиланднинг "Муанг Тонг Юнайтед" жамоасига трансфер қилинган бўлса, ўтган мавсум иккинчи ярмида "темирйўлчилар"ни бошқарган Самвел Бабаян Хитойнинг "Чанчун Ятай" жамоасига бош мураббий этиб тайинланди.

Олег Зотеев легионерга айланди