Shu erda uchrashuvning natijasini kuzatib borishingiz mumkin bo'ldi.

O'yin mezbonlarning tezkor va xavfli hujumi bilan boshlandi. O'ng qanotdan Ruslan Vagapov boshlab bergan hujumni buxoroliklar o'yin qoidasini buzish bilan to'xtatib qoldi.

Ruslan Vagapov amalga oshirgan jarima zarbasini Korneychuk katta qiyinchilik bilan qaytarishga muvaffaq bo'ldi.

3-daqiqada mehmonlar jarima to'pini o'yinga kiritdi. Plamedela tepgan to'pni Makosin ushlab oldi. 4-daqiqada Feruz Boboqulov hakam bilan tortishgani uchun ogohlantirildi.

7-daqiqada Akmal Rustamov chap qanotdan to'pni autdan o'yinga kiritdi. Himoyachilardan qaytgan to'pni chamasi 16 metrlar uzoqlikdan Eldor Boymatov darvoza tomon yo'lladi. Zarba xavfli ko'rinish olgan bo'lsa-da, biroz noaniq chiqdi.

9-daqiqada Eldor Boymatov Vladimir Shishelovni to'p bilan taminladi. Volodya darvozabon bilan yakkama-yakka vaziyatga chiqib borayotgan bir pallada mehmonlar himoyachisi katta qiyinchilik bilan maydon tashqarisiga chiqazib yubordi.

12-daqiqada mezbonlar hujumi xavfli ko'rinish oldi. Shishelov darvozabon bilan yakkama-yakka vaziyatga chiqish mumkin bo'lgan vaziyatda Korneychuk to'pni katta qiyinchilik bilan qaytarib yubordi.

Stadion muxlislar bilan to'lib toshgan. Har lahzada ishqibozlar o'z jamoalarini qo'llab quvvatlashga intilishmoqda.

Mazkur o'yinni Navoiydagi "Yoshlar" sport majmuasida Buxorodan tashrif buyurgan yuzlab muxlislar ham kuzatib borishmoqda.

22-daqiqada Ruslan Vagapov himoyachilarni ortda qoldirib, jarima maydonchasiga yorib kirdi. Uning zarbasidan so'ng to'p "Buxoro" vakiliga tegib maydonni tark etdi.

26-daqiqada vaqtni cho'zgani uchun Aleksandr Korneychuk ogohlantirildi.

33-daqiqada Asqar Muhiddinovn jamoadoshi Ruslan Vagapovni qulay vaziyatga chiqardi. Ammo qanot hakami navoiylik futbolchini o'yindan tashqari holatda deb topdi.

35-daqiqada Akmal Rustamov chamasi darvozadan 25 metrlar uzoqlikdan to'pni kuchli zarb bilan yo'naltirdi. Yana Korneychuk mahorat ko'rsatdi.

38-daqiqada jarima maydonchasidan uzoq bo'lmagan nuqtada Asadovni chalib yiqitdi.

39-daqiqada Sherali Jo'raev Shishelovni chiroyli tarzda to'p bilan taminladi. Chamasi 10 metrlar uzoqlikdan Volodyaning bergan kuchli zarbasini yana Korneychuk mahorat ko'rsatib ushlab oldi.

Ilk o'zgarish. 42-daqiqada Feruz Boboqulov o'rniga Suhrob Nematov maydonga tushdi.

Uchrashuvning birinchi bo'limi poyoniga etdi.

Ikkinchi bo'lim yana mezbonlarning hujumlari bilan boshlandi.

47-daqiqada Jo'raev to'pni jarima maydonchasi ichkarisiga uzatdi. Ammo Shishelov qulay vaziyatni boy berdi.

Navbatdagi o'zgarish. 49-daqiqada Samandar Shodmonov o'rniga Navro'zbek Alimov maydonga tushdi.

54-daqiqada "Buxoro" himoyachisi Sherali Jo'raevni o'yin qoidasini buzgan holda to'xtatib qoldi. Bosh hakam Olimjon Tolibjonov ikkilanmasdan 11 metrlik nuqtani ko'rsatdi. Vladimir Shishelov "nuqtadan" adashmadi - 1:0.

64-daqiqada Sherali Jo'raev darvozabon bilan yakkama-yakka vaziyatga chiqishi mumkin edi. Ammo Aziz G'ulomxo'jaev uni qo'pollik bilan to'xtatib qoldi va ogohlantirildi.

70-daqiqada Firdavs Asadov darvozabon bilan yakkama-yakka vaziyatda qolgandi. Ammo Makosinning mahorati "Qizilqum" jamoasi joniga oro kirdi.

75-daqiqada hisobni tenglashtirdi - 1:1. Bahriddin Vahobov darvozabon bilan yakkama-yakka vaziyatga chiqdi va imkoniyatni qo'ldan chiqarmadi.

78-daqiqada Akmal Rustamovning jarimadan uzatgan to'pini Shishelovning darvozaga to'g'irlab qo'yishi uchun biroz aniqlik etishmadi.

88-daqiqada jarima maydonchasidan unchalik uzoq bo'lmagan nuqtada mehmonlar Shishelovga qarshi o'yin qoidasini buzdi.

89-daqiqada Plamedeala deyarli bo'sh darvozani ishg'ol eta olmadi.

Uchrashuvning ikkinchi bo'limiga 4 daqiqa qo'shib berildi. O'yinda 1:1 hisobi qayd etildi.

19:00 - Qizilqum (Navoiy) – Buxoro (Buxoro) 1:1
Hakamlar: O. Tolibjonov (Toshkent), X. Mirzaahmedov (Toshkent viloyati), A. Snetkov (Toshkent viloyati), SH. Ro'ziqulov (Qarshi)
Nazoratchi: R. Serazetdinov (Toshkent).
Gollar: Vladimir Shishelov 54 penalti (Sherali Jo'raev) - Baxriddin Vahobov 75
"Qizilqum": Artyom Makosin, Akmal Xoliqov, Akmal Rustamov, Vladimir Shishelov, Alisher Xoliqov (Farrux Xaydarov, 59), Samandar Shodmonov, Eldor Boymatov, Ruslan Vagapov, Mirjalol Qurbonov, Sherali Jo'raev (G'ayrat Jumaev, 76), Asqar Muhiddinov.

Zaxira: Dilshod Xamroev, Jamshid Shoxnazarov, Navro'z Olimov, Aziz Abdullaev,

"Buxoro": Aleksandr Korneychuk, Shavkat Raimqulov, Vitaliy Plamadala, Predrag Vuyovich, Firdavs Asadov, Feruz Boboqulov, Ravshan Aslanov (Baxriddin Vahobov, 61), Jamoliddin Ubaydullaev, Nodir Jo'raev, Ilya Ilin (Aziz G'ulomxo'jaev, 58), Oybek Nurboev

Zaxira: Farrux Turdialiev, Suxrob Nematov, Elyor Akbarov, Andrey Akopyanc, Shukur Jumaboev.

Ogohlantirishlar: Aleksandr Korneychuk 26

Oliy liga. 9-tur. Qizilqum – Buxoro 1:1