Navbat bu yil bronza medalini qo'lga kiritgan Qarshining "Nasaf" klubiga etib keldi.

Mavsum
Qarshining "Nasaf" klubi dastlabki davrada bir nechta tur davomida peshqadam bo'lib turdi. Olmaliqda "Olmaliq"qa, Qarshida "Metallurg"ga va Toshkentda "Paxtakor"yutqazib qo'yildi. Birinchi davrani to'rtinchi o'rinda tugatgan "ajdarlar" ikkinchi davra boshida 3-o'ringa chiqib olishdi va mavsum oxirigacha uni hech kimga berishmadi. "Nasaf" bu mavsum 5ta g'alabali va 7ta mag'lubiyatsiz seriyani qayd etdi.

Murabbiy
Ro'ziqul Berdiev uchinchi yil "Nasaf" bilan to'liq mavsumni o'tkazdi. Natija o'tgan yillardagidan farq qilgani yo'q, yana bronza medali. Lekin klub aynan mana shu yil o'z tarixida ilk bor O'zbekiston kubogini qo'lga kiritdi. Berdiev jamoaga yulduz futbolchilarni taklif qilmadi. Jamoa o'zagi deyarli o'zgargani yo'q. Bor imkoniyatdan unumli foydalanishga odatlangan Ro'ziqul Berdiev o'z shogirdlari bilan chempionatni uchinchi o'rinda yakunladi. Berdiev ikki marta PFL tomonidan oyning eng yaxshi murabbiyi deb topildi.

Etakchi
Artur Gevorkyan. Barcha bu tanlovimizga qo'shilsa kerak. To'g'ri turkmanistonlik legioner futbolchi o'tgan yildagidek ko'p gol ura olmadi, lekin jamoani aynan u ortidan ergashtirishda davom etdi. Bir nechta o'yinni jarohat tufayli o'tkazib yuborgan Gevorkyan "Andijon" va "Navbahor" bilan o'yinlarda dubl rasmiylashtirdi. O'zbekiston kubogi finalida urgan goli esa qarshilik hech bir futbol muxlisining yodidan chiqmasa kerak.

Kashfiyotlar
O'tgan yil Odil Hamrobekov 7ta o'yinda maydonga tushib ko'pchilikning nazariga tushgandi. Bu yil Hamrobekov jamoaning asosiy futbolchisiga aylanib oldi. O'zbekiston yoshlar terma jamoasi azosi bo'lgan futbolchi 19ta o'yinda ishtirok etdi. Yana bir kashfiyot sifatida 1998 yilda tug'ilgan Azizjon G'anievni aytishimiz mumkin. Ketma-ket ikkinchi yil oliy ligada maydonga tushgan eng yosh futbolchi nomini aynan Azizjon G'aniev qo'lga kiritmoqda. Barchaga malumki Ro'ziqul Berdiev yoshlarga ishonishi bilan nom qozongan. O'zbekiston yoshlar terma jamoasi azosi bo'lgan G'aniev bir nechta muhim o'yinlarda zaxiradan maydonga tushdi. "Dinamo" bilan bo'lgan bahsda esa to'liq harakat qildi. Aziz ham keyingi yil xuddi Odil singari yanada ko'proq o'yinda maydonga tushadi. Bunga hech kimda shubha bo'lmasa kerak.

Eng yaxshi o'yin
"Neftchi" - "Nasaf" 0:1
"Nasaf"ning eng yaxshi o'yini sifatida "Lokomotiv" bilan qarshida bo'lgan o'yinni ham tanlashimiz mumkin edi. Biroq "ajdarlar" bu mavsum Farg'onada "Neftchi"ni 17143 tomoshabin qarshisida mag'lub etishni uddalashdi. Mana shu o'yin 2015 yil eng ko'p tomoshabin kelgan o'yin sifatida tarixda qoldi. Mana shu bahsdan oldin "Neftchi" 20 ochko bilan peshqadam, "Nasaf" 19 ochko bilan ikkinchi o'rinda edi. O'yinning ahamiyati qanday bo'lganini anglash qiyin emas. Bahs taqdirini Artur Gevorkyan tomonidan 76-daqiqada urgan gol hal qilgan - 0:1.

Eng yaxshi futbolchi
Ilhom Shomurodov. Bu tanlovimizga ko'pchilik qo'shilmasligi mumkin. Lekin Shomurodov bu yil jamoa hujumida muntazam va stabil o'yin namoyish eta oldi. Mavsum boshida klubga taklif etilgan Oleksandr Koblash 3ta turdan keyin o'z yurtiga jo'nab ketdi. Kenja To'raev va Azamat Allaniyozov jarohatlar tufayli maydonga tusha olishmasdi. Shu vaziyatda Ilhom ham Osiyo chempionlar ligasi, ham O'zbekiston chempionati o'yinlarida ishtirok etdi. Hujumchi ikkala davrada 6tadan gol urib jami 12ta gol bilan "Nasaf" to'purariga aylandi. Shomurodov bu yil "ajdarlar" safida eng ko'p (29ta) o'yin o'tkazgan futbolchiga ham aylandi.

Kim qancha o'ynadi?

Futbolchi	Amp	Tug'.sana	O'yin	Daqiqa	Gol	SK	QK
Shomurodov Ilhom	Huj	28.03.1984	29	2454	12	2	0
Abdurahimov Bahrom	Yahm	11.12.1988	28	2089	2	8	2
Sayfiev Farrux	Yahm	17.01.1991	27	2143	2	6	0
Gadoev Shoxrux	Huj	31.12.1991	27	1834	5	7	1
Azamov Sherzod	Him	14.01.1990	26	2325	1	4	0
Gevorkyan Artur	Yahm	22.11.1984	26	2280	11	2	0
Karimov Maqsud	Him	02.03.1985	26	2275	2	3	0
Boydullaev Erkin	Yahm	04.10.1984	26	2273	0	6	0
Muhammadiev Shuhrat	Him	24.06.1989	23	1970	0	5	0
Suyunov Eldorbek	Dar	12.04.1991	21	1889	0	1	0
Hamrobekov Odiljon	Him	13.02.1996	19	1545	0	3	0
Bahriddinov Akrom	Yahm	02.10.1992	15	485	1	0	0
Karimov Hamza	Him	10.12.1980	13	1006	0	1	0
Allaniyozov Azamat	Huj	15.10.1989	13	878	6	1	0
Yusupov Alisher	Him	07.03.1988	13	584	0	1	0
Rok Roy	Him	08.10.1986	12	974	1	1	0
Yunusov Ilhom*	Yahm	03.05.1982	12	525	0	2	0
Yusupov O'tkir	Dar	04.11.1991	10	811	0	0	0
G'aniev Azizjon	Yahm	22.02.1998	9	270	0	0	0
Narzullaev Doniyor	Yahm	11.04.1995	8	145	0	0	0
Qoraev Botir*	Him	08.04.1980	7	438	0	1	0
To'raev Kenja	Huj	01.03.1989	7	116	0	0	0
Muhiddinov Sharof	Yahm	14.07.1997	5	31	0	0	0
Koblash Oleksandr*	Huj	05.09.1989	3	253	2	0	0
Abduxoliqov Bobur	Huj	23.04.1997	1	7	0	0	0

Izoh:
* - birinchi davradan so'ng jamoani tark etganlar.
** - ikkinchi davrada jamoaga kelganlar

"Nasaf-2015" mavsum statistikasi

O'yinlar	30
Gollar	46
Uydagi gollar	29 (63,04%)
Mehmondagi gollar	17 (36,96%)
O'tkazilgan gollar	20
Uyda o'tkazilgan gollar	7 (35%)
Mehmonda o'tkazilgan gollar	13 (65%)
O'rtacha gol	1,53
O'rtacha o'tkazilgan gol	0,67
Uydagi ochkolar	35/45 (77,78 %)
Mehmondagi ochkolar	27/45 (60 %)
Eng yirik g'alaba	5:1 - "Navbahor"
Eng yirik mag'lubiyat	1:3 - "Paxtakor"
"Quruq" o'yinlar	13 (43,33%)
Gol ura olmagan o'yinlar	8 (26,67%)
Irodagi g'alaba	2
Yirik g'alabalar	3
Yirik mag'lubiyatlar	0
Avtogol (urilgan/o'tkazilgan)	1/1
Ogohlantirishlar (o'rtacha)	54 (1,8)
Chetlatishlar (o'rtacha)	3 (0,1)
Maydonga tushganlar (legioner)	25 (3 - 12%)
Tomoshabinlar (jami/o'rtacha)	173850 / 5795

Narzulla Saydullaev

Oliy liga-2015 yakunlari. "Nasaf" haqida